Básekelestikti qorǵaý agenttigi Antitrust aqparattyq portalyn ázirlep jatyr

ASTANA. KAZINFORM – Básekelestikti qorǵaý jáne damytý agenttigi Antitrust aqparattyq portalyn ázirlep jatyr. Bul týraly Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.

- Básekelestikti qorǵaý jáne damytý agenttigi BQDA jumysy men ishki bıznes-portsesterin tolyqtaı tsıfrlandyrýdy, sonymen qatar avtomattandyrýdy qamtamasyz etetin biryńǵaı aqparattyq keńistik - Antitrust aqparattyq portalyn ázirlep jatyr. Atalǵan portaldy iske qosý bekitilgen protsedýralardyń saqtalýyn avtomatty rejımde qadaǵalaýǵa múmkindik beredi. Bul tehnıkalyq qatelikter múmkindigin tómendetýge jáne baqylaý tıimdiligin arttyrýǵa septigin tıgizedi, - dedi Úkimet basshysy jaýabynda. 

Premer-Mınıstrdyń atap ótýinshe, saraptama qorytyndysyna sáıkes, 2022-2024 jyldary aralyǵynda tergeýler júrgizý sapasymen jáne protsedýralyq buzýshylyqtardyń bolýymen baılanysty birqatar zań buzýshylyq anqytalǵan.

Osyǵan oraı monopolııaǵa qarsy organnyń 21 laýazymdy tulǵasy, onyń ishinde BQDA aýmaqtyq bólimshesiniń basshylary tártiptik jazaǵa tartylǵan. 

Buǵan deıin Básekelestikti qorǵaý jáne damytý agenttiginiń Pavlodar oblysy boıynsha departamenti «KDV Qazaqstan» JShS-ge qatysty ústemdigin asyra paıdalaný belgileri boıynsha tergeý bastaǵanyn jazǵan edik.