Básekelestiktiń arqasynda uıaly baılanys arzandaı bastady
ALMATY. 24 shilde. QazAqparat - Uıaly baılanys qyzmetiniń baǵasy tómendeýde. Bul jaıly «Tele2 Qazaqstan»kompanııasynyń Basqarma tóraǵasy Andreı Smelkov búgin Almatyda 2 toqsan qorytyndylaryna arnalǵan baspasóz máslıhatynda aıtty.
«Qazaqstanda 3G ınternet qyzmeti joǵary suranysqa ıe. Ol jyldam ósýde. Barlyq operatorlar óz jelilerin damytýda. Abonentter sany men uıaly baılanystyń enýi qarqyndy túrde ulǵaıýda. Uıaly baılanys naryǵyna qatysýshylardyń jalpy kirisi de kóbeıýde. Bul ekonomıkanyń damýy úshin de, operatorlardyń qyzmet sapasyn jaqsartýyna da óz yqpalyn tıgizýde», - deıdi A. Smelkov.
Onyń aıtýynsha, ekinshi toqsanda «Tele2 Qazaqstan» kompanııasynyń abonenttik bazasy 757 myń tutynýshyǵa ósip, abonentterdiń sany 2,5 mıllıonnan asyp jyǵyldy. Bul statıstıka alǵashqy toqsan kórsetkishterinen 128 paıyzǵa joǵary. Qunnyń tómendigi, baılanystyń joǵary sapasy jáne jeliniń geografııalyq damýy alǵashqy jartyjylda belsendi abonentterdiń sanynyń ósiminiń jyldyq josparyn iske asyrýǵa múmkindik jasady. Eldi qamtý deńgeıi aǵymdaǵy jylǵa josparlanǵan 80 paıyzdyń 73 paıyzyn quraıdy. Esepti kezeńdegi kompanııa tabysy 1 toqsanmen salystyrǵanda 38 paıyzǵa ósip, 33 mln. dollardy qurady.
Onyń sózine qaraǵanda, abonenttik bazanyń ósýi bazalyq stansaldardyń jelisin salýmen jáne respýblıka aımaqtarynda qamtý sapasyn kóterýmen qatar iske asýda. Alǵashqy jartyjylda efırge 500 asa jańa bazalyq stansa shyǵaryldy. Qazir olar aı saıyn 100-den astam bazalyq stansany iske qosýda.
