Básekelestikti qorǵaý jáne damytý agenttigi áleýmettik mańyzy bar azyq-túlik baǵasyn kúndelikti baqylaýyna aldy
«Terrorlyq qaýiptiń shekti «qyzyl» deńgeıi jáne tótenshe jaǵdaı rejımi ornaýyna baılanysty Básekelestikti qorǵaý jáne damytý agenttigi saýda ortalyqtarynda áleýmettik mańyzy bar azyq-túlik taýary (ÁMAT) baǵasynyń negizsiz ósýine jol bermeý úshin ÁMAT-tyń barsha pozıtsııasy boıynsha baǵany kúndelikti baqylaýǵa aldy. 7 qańtardaǵy jaǵdaı boıynsha ÁMAT baǵasynyń ósimi baıqalmaıdy.
ÁMAT baǵasynyń negizsiz kóterý faktileriniń jedel aldyn alý jáne jol bermeý maqsatymen agenttik ótinish-shaǵym qabyldaıtyn shuǵyl jelini iske qosty. Eger áleýmettik mańyzy bar azyq-túlik taýarynyń baǵasyn negizsiz kótergen faktilerdi baıqasańyz, Nur-Sultan qalasy boıynsha (87172) 74-96-64, 74-34-01, 74-31-26, 74-90-52 telefondaryna habarlasýdy suraımyz. Qońyraý qabyldaý Nur-Sultan ýaqytymen saǵat 9.00. - 18.30 aralyǵynda iske asady. Uıaly telefon: 8705 2312423, 8776 4588885, 8708 8830262, 8701 3696128 (qońyraý qabyldaý Nur-Sultan ýaqytymen saǵat 22.00 deıin)», - delingen agentiktiń málimetinde.
Vedomstvo kúrdeli kezeńde baǵany zańsyz ósirýge baǵyttalǵan kez kelgen áreket aıyppul júktetıinin eskertip otyr.
«Agenttik áleýmettik mańyzy bar azyq-túlik taýarlaryn óndiretin jáne ótkizetin naryq sýbektileri baǵany negizsiz kóterý ne ustap turý úshin karteldik kelisimge kelip, óndiristi negizsiz toqtatsa, monopolııalyq jaǵdaıyn paıdalanyp negizsiz taýar tapshylyǵyn týyndatsa, QR ákimshilik quqyq buzý týraly krodekstiń 159 baby boıynsha monopolııalyq áreketinen túsken tabysynan kishi jáne orta bıznes kásipkerleri 3% aıyppul, iri bıznes ókilderi 5% aıyppul arqalaıtynyn habarlaıdy», -dep jazylǵan vedomstvonyń aqparatynda.
