Básekelestikti qorǵaý agenttigi saýda-sattyqta sóz baılasýlarǵa qarsy kúreste múmkindikterin keńeıtýdi surap otyr
ASTANA. 21 qańtar. QazAqparat - Básekelestikti qorǵaý agenttigi saýda-sattyqta sóz baılasýlarǵa qarsy kúres jónindegi ádistemelik nusqaýdyń jobasyn ázirleýdi bastady.
Bul týraly búgin Úkimet otyrysynda atalǵan vedomstvonyń basshysy Bolatbek Qýandyqov málim etti.
«Agenttik 2009 jyly EYDU daıyndaǵan osyndaı qujatty jáne osy baǵyttaǵy Reseıdiń tájirıbesin negizge ala otyryp, «Satyp alýdy júzege asyrý kezinde saýda-sattyqta sóz baılasýlarǵa qarsy kúres» jónindegi ádistemelik nusqaýdyń jobasyn ázirleýdi bastady»,-dedi B. Qýandyqov.
Onyń sózine qaraǵanda, atalǵan máseleler halyqaralyq naryqtarda erkin saýda-sattyqty damytý jaǵdaılarynda naryq sýbektileriniń básekelestikke qarsy kórinisterine jáne karteldik kelisimderine qarsy is-qımylda neǵurlym ózekti bolyp tabylady.
«Osyǵan oraı, agenttiktiń sóz baılasýlarǵa qarsy kúres jónindegi múmkindikterin keńeıtý máselesin qarastyrýdy suraımyn»,-dep atap ótti agenttik basshysy.
