Básekelestikti qorǵaý agenttigi ótken jyly dızel otynyn arzandatý týraly 19 habarlama shyǵarǵan
«Naryqtyń qubylmalylyǵy kezeńinde bizdiń agenttik dızel otyny naryǵynda 2021 jylǵy mamyrdan maýsymǵa deıin baǵalardy tómendetý týraly 19 habarlama shyǵardy. Naryqtyń barlyq iri qatysýshylary (Gazpromneft-Qazaqstan, Petro retail, Sinooil jáne Gelıos) bul nusqaýlyqty oryndady. El boıynsha baǵalar orta eseppen 2%-ǵa tómendedi. 2021 jylǵy naýryz ben sáýir aralyǵynda Aı-92 benzınin ótkizý naryǵynda baǵalardyń alypsatarlyq ósý áreketteri baıqaldy. 14 habarlama shyǵarylǵan soń baǵalar ortasha eseppen 3%-ǵa tómendedi», - dedi S. Jumanǵarın Básekelestikti qorǵaý jáne damytý agenttigi alqasynyń otyrysynda.
Onyń aıtýynsha, 2021 jyly dızel otynynyń tapshylyǵyna yqpal etetin mán-jaılardy anyqtaý kezinde monopolııaǵa qarsy zańnamany buzýshylyq belgileri anyqtalǵan.
«Osyǵan baılanysty naryqtyń 12 sýbektisine tergep-tekserý taǵaıyndaldy. Sondaı-aq, naryq sýbektileriniń is-áreketterindegi buzýshylyq belgileri týraly 9 habarlama shyǵaryldy. Habarlamalar oryndaldy jáne shekteý toqtatyldy», - dedi S. Jumanǵarın.
