Básekelestikti qorǵaý agenttigi ókilderi azyq-túlik baǵasyn baqylaýda
Ótken eki aptada Básekelestikti qorǵaý jáne damytý agenttiginiń aýmaqtyq bólimsheleri azyq-túlik taýarlary naryq sýbektilerine qatysty qosymsha 21 habarlama shyǵardy. Tutastaı alǵanda aǵymdaǵy jylǵy úsh aıda básekelestikke qarsy kelisilgen áreketter, ústem nemese monopolııalyq jaǵdaıdy teris paıdalaný belgileri boıynsha 46 habarlama shyǵaryldy, onyń ishinde 19 habarlama – taýyq jumyrtqasy boıynsha, 11– kúnbaǵys maıy boıynsha, 7 – qant boıynsha, 4 – qaraqumyq jarmasy boıynsha, 2 – sút ónimderi boıynsha, 2 – taýyq eti boıynsha, 1-makaron (rojkı) boıynsha.
Búgingi kúni azyq-túlik taýarlary naryq sýbektileri QR básekelestikti qorǵaý salasyndaǵy zańnamasynyń buzý belgilerin joıý boıynsha sharalar qabyldaý týraly 17 habarlamany oryndady (9 - taýyq jumyrtqasy boıynsha - Shymkent qalasynda, Qostanaı, Atyraý, Jambyl, Aqmola, Pavlodar oblystarynda, SQO-da, 3 - Jambyl jáne Qaraǵandy oblystarynda qant boıynsha, 2 - Qaraǵandy oblysynda qaraqumyq jarmasy boıynsha, 3 -Shymkent qalasynda, Qaraǵandy oblysynda, SQO-da kúnbaǵys maıy boıynsha).
Habarlamalardy oryndaý kezinde taýyq jumyrtqasyn óndirýshiler baǵanyń 5%-ǵa (Shymkent q., Aqmola, Qostanaı oblystarynda), kóterme saýdada jetkizýshiler 10%-ǵa kúnbaǵys maıy (SQO), qant jáne qaraqumyq jarmasy (Qaraǵandy oblysy) boıynsha tómendegenin málimdedi.
