Básekelestikti qorǵaý agenttigi «Kar-Tel - Bılaın» kompanııasyna 155 mln. teńge, «GSM Qazaqstanǵa» 280 mln. teńge aıyppul saldy
ASTANA. 15 qazan. QazAqparat - Aǵymdaǵy jyly Básekelestikti qorǵaý agenttigi tarapynan "Kar-Tel-Bılaın" kompanııasyna 155 mln. al «GSM Qazaqstan» kompanııasyna 280 mln. teńge aıyppul salyndy.
Búgin Parlament Májilisinde ótip jatqan Úkimet saǵatynda Básekelestikti qorǵaý agenttiginiń tóraǵasy Ǵabıdolla Ábdirahymov osylaı málim etti.
Agenttik tóraǵasy bıylǵy jyly roýmıng qyzmetine qosylý úshin shekti mánderdi belgileý arqyly ústem jaǵdaılardy teris paıdalaný faktisi boıynsha «Kar-Tel - Bılaın» markasymen jáne «GSM Qazaqstan» markasyndaǵy mobıldik operatorlarǵa tergeýdi aıaqtaǵan.
«Nátıjesinde operatorlar baǵasy roýmıng boıynsha 3 esege, SMS 2 esege kemidi. Esterińizde bolsa, buryn roýmıngke qosylý úshin balansta 15 myń teńge bolýy qajet edi. Qazir onyń shamasy 3236 teńgeni quraıdy. Sonymen qatar «Kar-Tel - Bılaın» kompanııasyna 155 mln. teńge aıyppul salynyp, ol qarajat bıýdjetke aýdaryldy. Al, «GSM Qazaqstan» kompanııasyna 280 mln. teńge aıyppul salyndy. Qazir bizdiń osy sheshimimiz boıynsha sot isi júrip jatyr»,-dedi Ǵ. Ábdirahymov.
