Básekelestikti qorǵaý agenttigi benzın baǵasyna qatysty 14 eskertý jiberdi

NUR-SULTAN. QazAqparat – Básekelestikti qorǵaý jáne damytý agenttiginiń tóraǵasy Serik Jumanǵarın janar-jaǵarmaı naryǵyndaǵy jaǵdaıǵa túsinik berdi, dep habarlaıdy QazAqparat tilshisi.

«Búgingi tańda AI-92 markaly benzındi satý naryǵynda turaqtylyq baıqalyp otyr. Іri jelilerdiń satý baǵasy lıtrine 175 teńgeden aspaıdy.

Agenttik óńirlik benzın satýshylarǵa jáne «Petro retail», «Sınoıl» jáne «Gelıos» sekildi úsh iri jelige 14 habarlama joldady. Barlyq nusqaýlar oryndaldy. Jalpy, respýblıkada benzın baǵasynyń tómendeýi orta eseppen 3 paıyzdy qurady», - dedi S. Jumanǵarın Úkimet otyrysynda.

Dızel otynyna toqtalǵan agenttik basshysy, qazirgi kezde iri jelilerdiń satý baǵasy lıtrine 200 teńgeden aspaıtynyn jetkizdi. Agenttik óńirlik dızel otynyn bólshek saýdada ótkizýshilerge 19 eskertý jáne 4 iri jelige nusqaý jasady. Osy oraıda «Gazpromneft-Qazaqstan» JShS, «Petro retail» JShS, «Sınoıl» JShS jáne «Gelıos» JShS-ǵa jiberildi. Barlyq nusqaýlar oryndaldy.

Sonymen qatar, bıylǵy 1 shildeden bastap dızel otynyna aktsız tonnasyna 540-tan 9 300 teńgege deıin óskenin atap ótken jón, bul baǵaǵa orta eseppen lıtrine 8 teńgege deıin áserin tıgizedi.