Básekelestikti qorǵaý agenttigi baılanys operatorlaryn sot arqyly tarıfti tómendetýge májbúrlemek
ASTANA. 15 qazan. QazAqparat - Básekelestikti qorǵaý agenttigi elimizdegi baılanys operatorlaryn tarıfti tómendetýge sot arqyly májbúrlemek.
Bul týraly búgin Parlament Májilisinde ótken Úkimet saǵatynda málim boldy.
«Qazaqstanda mobıldik abonentter sany 20 mln. astam abonentti quraıdy. Alaıda Qazaqstandaǵy tarıfter TMD elderimen salystyrǵanda joǵary kúıinde qalyp otyr. Qazaqstanda qalalyq telefondarǵa, mobıldik basqa operatorlarǵa, sondaı-aq mobıldik ınternetke shyǵý qońyraýlary Reseımen, Belorýssııamen, Qyrǵyzstanmen, Ózbekstanmen salystyrǵanda eń joǵary bolyp tabylady»,-dedi agenttik tóraǵasy Ǵ. Ábdirahymov.
Onyń aıtýyn sha, mundaı joǵary baǵalar Interkonnentke operatorlardyń qosylýyndaǵy joǵary stavkaǵa baılanysty bolyp tabylady. «Taldaý nátıjesine sáıkes agenttik Interkonent qyzmeti boıynsha baılanys operatorlaryn domınattar tizimine engizý týraly buıryqqa qol qoıdy. Alaıda, baılanys operatorlary agenttiktiń osy buıryǵymen daýlasyp, sotqa júginýde. Sot bizdiń buıryǵymyzdy kúshinde qaldyrdy. Biz sottyń eki satysyn jeńip shyqtyq. Endi eń sońǵy satysyn utsaq, baılanys operatorlyǵyna qatysty jańa tómengi tarıfter belgilenetin bolady»,-dedi Ǵ. Ábdirahymov.
