Básekelestikke qatysty birqatar alpaýyt kompanııalardy tergeý sharalary júrip jatyr - Úkimet saǵaty
ASTANA. 15 qazan. QazAqparat - Básekelestikke qatysty elimizdiń birqatar alpaýyt kompanııalaryna 66 tergeý sharalary júrip jatyr.
Bul týraly búgin Parlament Májilisinde ótip jatqan Úkimet saǵatynda Básekelestikti qorǵaý agenttiginiń tóraǵasy Ǵabıdolla Ábdirahymov málim etti.
Máselen, agenttik tóraǵasynyń aıtýynsha, «Qazaqmys» korporatsııasyna qatysty elektr energııasy boıynsha shart jasaýdan bas tartý faktisinde tergeý aıaqtalǵan. Bul rette kompanııaǵa 1,4 mlrd. teńge aıyppul salynǵan. Degenmen atalǵan fakti boıynsha sot úrdisteri jalǵasýda.
«Qazir biz «Qazaqstan temirjoly», «Arselor Mıttal-Temirtaý», «Eýrazııalyq energetıka korporatsııasy», «Ekibastuz GRES», «Eır Astana» sekildi birqatar kompanııalar men sýbektiler boıynsha 66 tergeýdi júrgizip jatyrmyz»,-dedi Ǵ. Ábdirahymov.
