Básekelestik agenttigi munaı óńdeý tizbegin bólshekteýge tyıym salýdy usyndy
Onyń málimeti boıynsha, el astanasy men oblys ortalyqtaryndaǵy janarmaı quıý stansalarynyń 50%-dan astamy «Petro Retail», «Sinooil, «Gelıos», «Gazpromneft-Qazaqstan», «Avtogaz Treıd»-«GazEnergy», «Royal Petrol» sııaqty jaýapkershiligi shekteýli seriktestikterge tıesili.
Sinooil kólemderin tikeleı óziniń úlestes Petrosun kompanııasynan satyp alsa, Petro Retail óziniń burynǵy ıesi «QazMunaıGazdan» satyp alady.
«Munaı baǵasyn jáne ony ishki naryqqa jetkizý kólemin memlekettik retteýdi engizýdi usynamyz. Bul ortalyqtandyrýdyń alǵashqy kezeńderinde baǵalardyń turaqtylyǵyn qamtamasyz etedi. Bul rette, munaı jetkizý josparyna iri ken oryndaryn (Teńiz, Qashaǵan, Qarashyǵanaq) qosý jáne el naryǵyna munaı jetkizý boıynsha CNPC úlesin ulǵaıtý máselesin qaraý usynylady», - dedi agenttik basshysy.
Onyń paıymynsha, táýelsiz kompanııalar óndiretin munaıdy bırjada ótkizý jáne janarmaı saýdasyn ulǵaıtý múmkindigin qarastyrý qajet.
«Bul táýelsiz kompanııalardyń damýyna múmkindik beredi. Sondaı-aq, jer qoınaýyn paıdalanýshylardyń munaı óńdeýshi zaýyttarǵa tikeleı nemese úlestes munaı berýshiler arqyly munaı jetkizýge qatysý múmkindigin qaraý usynylady.
Baǵa teńgerimsizdikteriniń táýekelin tómendetý úshin munaıdy qaıta óńdeýge jetkizýdiń eń az kólemin 100 myń tonna dep belgileý arqyly munaı berýshilerdi irilendirý máselesin qaraý usynylady.
Budan basqa, naryqtyń qoldanystaǵy qurylymynan qaıtalama kóterme jetkizýshi tulǵasyndaǵy artyq deldaldyq býyndy alyp tastaýdy usynamyz.
Munaý óńdeýshi zaýyttardaǵy biryńǵaı tehnologııalyq tizbekti sot negizinde nemese sharttyq tártipte qalpyna keltirý, olardy bólshekteýge tyıym salý mańyzdy másele bolyp tabylady. Sondaı-aq pılottyq rejımde munaı óńdeýshi zaýyttardyń munaıyn jer qoınaýyn paıdalanýshylardan kezeń-kezeńimen satyp alýdy engizý usynylady», -dedi Serik Jumanǵarın.
