Básekege qabiletti TOP-60 el: Qazaqstan 32-shi orynda
ASTANA. QazAqparat - Halyqaralyq menedjmentti damytý ınstıtýtynyń (IMD, Shveıtsarııa, Lozanna) Álemdik básekege qabilettilikti zertteý ortalyǵy álemniń 60 eli salystyrylǵan «Álemdik básekege qabilettilik jónindegi jyl saıynǵy jınaq - 2014» nátıjelerin jarııalap otyr. Eń básekege qabiletti elder AQSh, Shveıtsarııa jáne Sıngapýr bolyp tabylady. Qazaqstan bul tizimde 32-orynǵa ıe boldy, dep habarlaıdy QR Ekonomıka jáne bıýdjettik josparlaý mınıstrliginiń baspasóz qyzmeti.
Jyl saıynǵy jınaqta 338 kórsetkish bar, olardyń 2/3-i statıstıkalyq derekterge, al 1/3-i saýalnama derekterine negizdelgen. Respondentterdiń pikirinshe, Qazaqstan Respýblıkasy ekonomıkasynyń eń tartymdy bas faktorlaryna mynalar jatady: ekonomıkanyń serpindiligi (respondentterdiń 51,9%), salyq salýdyń tıimdi júıesi (44,2% ), strategııalyq turaqtylyq jáne jaǵdaıdyń boljamdylyǵy (41,3%), ashyq jáne pozıtıvtik qarym-qatynastar (35,6%), qalypty bıznes-orta (31,7%). Qazaqstan osy reıtıngke alǵash ret 2008 jyly QR Ekonomıka jáne bıýdjettik josparlaý mınıstrliginiń «Ekonomıkalyq zertteýler ınstıtýty» AQ bastamasymen qatysa bastady. «Ekonomıkalyq zertteýler ınstıtýty» AQ Qazaqstandaǵy IMD eksklıýzıvti seriktesi bolyp tabylady. 2014 jylǵy zertteý nátıjeleri boıynsha Qazaqstan Respýblıkasy 32-orynǵa ıe boldy, ol elimizdiń álemdik reıtıngte pozıtsııalarynyń turaqtylyǵyn baıqatady. 2014 jyldyń reıtıngisinde Qazaqstan Cheh Respýblıkasy (33-oryn), Týrkııa (40-oryn), Meksıka (41-oryn), Italııa (46-oryn), Ońtústik Afrıka (52-oryn), Brazılııa (54-oryn) sııaqty elderdiń aldynda tur. TMD elderiniń arasynda Qazaqstan Reseıden 6 kórsetkishke (38-oryn) jáne Ýkraınadan 17 kórsetkishke (49-oryn) ozyp basty oryndarda tur. «Ekonomıkalyq qyzmet» faktory boıynsha Qazaqstan eki pozıtsııaǵa kóterilip 27-orynǵa ıe boldy. Atalǵan faktor bólinisinde «Halyqaralyq saýda» (52-oryn, 33 kórsetkishke tómendeý) jáne «Jumysbastylyq» (19-oryn, 4 kórsetkishke tómendeý) sýbfaktorlar boıynsha pozıtsııalardyń tómendeýi baıqalady. «Syrtqy ınvestıtsııalar» (20-oryn, 9 kórsetkishke jaqsarý), «Іshki ekonomıka» (28-oryn, 9 kórsetkishke jaqsarý) jáne «Baǵalar» (39-oryn, 6 kórsetkishke jaqsarý) sýbfaktorlary boıynsha jaqsarý baıqalady. «Úkimettiń tıimdiligi» faktory boıynsha elimiz óz pozıtsııalaryn 3 kórsetkishke kóterip 20-orynǵa ıe boldy. «Memlekettik qarjy» (14-oryn, 3 kórsetkishke tómendeý) sýbfaktory boıynsha pozıtsııalardyń tómendeýi baıqalady. Alaıda Qazaqstan «Fıskaldy saıasat» (9-oryn, 3 kórsetkishke jaqsarý), «Instıtýttsıonaldyq orta» (35-oryn, 4 kórsetkishke jaqsarý), «Bıznes týraly zańnama» (28-oryn, 5 kórsetkishke jaqsarý) jáne «Qoǵamdyq qurylym» (25-oryn, 2 kórsetkishke jaqsarý) sýbfaktorlary boıynsha jaqsarýǵa jetti. «Bıznestiń tıimdiligi» faktory boıynsha Qazaqstan pozıtsııalarynyń 38-orynnan 33-orynǵa jaqsarýy baıqalady. Atalǵan faktor boıynsha orynnyń ózgerýine «Ónimdilik jáne tıimdilik» (45-oryn, 3 kórsetkishke jaqsarýy), «Eńbek naryǵy» (9-oryn, 3 kórsetkishke jaqsarýy), «Qarjy» (48-oryn, 1 kórsetkishke jaqsarýy) jáne «Menedjment praktıkasy» (32-oryn, 2 kórsetkishke jaqsarýy) sýbfaktorlary boıynsha pozıtsııalardyń joǵarylaýy yqpal etken. Pozıtsııa tómendeýi tek «Qarym-qatynastar men qundylyqtar» (28-oryn, 1 kórsetkishke tómendeý) sýbfaktory boıynsha baıqalady. «Infraqurylym» faktory boıynsha 1 kórsetkishke - 44-orynnan 45-orynǵa ózgerý baıqalady. Osylaı tórt sýbfaktor boıynsha jaqsarý baıqalady: «Tehnologııalyq ınfraqurylym» - 32 oryn (6 kórsetkishke jaqsarý), «Bazalyq ınfraqurylym» - 37-oryn (3 kórsetkishke jaqsarý), «Densaýlyq saqtaý jáne qorshaǵan orta» - 56-oryn (1 kórsetkishke jaqsarý) jáne «Bilim berý» - 40-oryn (2 kórsetkishke jaqsarý). «Ǵylymı ınfraqurylym» sýbfaktory boıynsha 5 kórsetkishke tómendeý baıqalady - 50-oryn.
