«Básekege qabiletti kóshbasshylar - Ulttyq chempıondar 2.0» baǵdarlamasy bastaldy
ASTANA. QazAqparat - «Báıterek» holdıngi «Básekege qabilettilik kóshbasshylary - Ulttyq chempıondar 2.0» baǵdarlamasynyń bastaý aldy, dep habarlaıdy QazAqparat holdıngtiń baspasóz qyzmetine silteme jasap.
Baǵdarlama Memleket basshysy Nursultan Nazarbaevtyń «100 naqty qadam» ult josparynyń 62-shi qadamyna sáıkes júzege asyrylady.
Halyqaralyq ozyq tájirıbeler esepke alynyp ázirlengen baǵdarlamanyń maqsaty - básekege qabiletti, eksportqa baǵyttalǵan jáne tehnologııalyq óńdeýshi ónerkásipterdi qurýǵa kómektesý.
Kómek holdıngtiń enshiles uıymdarynyń qoldaý kórsetý úshin qarjylyq jáne qarjylyq emes sharalar keshenin qamtamasyz etý arqyly júzege asyrylady: «Kazakhstan Project Preparation Fund» tarapynan TEN ázirleýden bastap «Qazaqstannyń Damý Banki» men «Damý» kásipkerlikti damytý qorynan jeńildikpen qarjylandyrýdyń jáne paıyzdyq mólsherlemeni sýbsıdııalaýǵa, sondaı-aq «Kazyna Capital Management» úlestik qarjylandyrýynyń quraldaryn paıdalaný men «KazakhExport» kompanııasynyń qoldaý sharalaryn qoldanýǵa deıin.
Baǵdarlamanyń negizgi erekshelikteri - óndiristi jańǵyrtýǵa nemese tehnologııalyq ónimderdi óndirýge baǵyttalǵan ınvestıtsııalyq jobalardy qarjylandyrýǵa; ıdeıa kezeńinde jobalar úshin de, sondaı-aq jobalyq qujattamanyń tolyq paketiniń bolýymen de qoldaý sharalaryn usynýǵa; baǵdarlama boıy qatysýshylardy qoldaıtyn kompanııaǵa derbes menedjerdi bekitý arqyly jan-jaqty jeke qoldaý kórsetýge negizdelý.
Baǵdarlamaǵa qatysý úshin kásiporyndar birqatar krıterıılerge jaýap berýi tıis, onyń ishinde: óńdeý ónerkásibine ótinim berý, shtatta 100-den astam adamnyń bolýy jáne 300000 AEK-tiń jyldyq kirisiniń, eksportqa baǵdarlanǵan baǵytynyń bolýy, Qazaqstannyń kapıtalǵa 51% jáne odan kóp qatysý, naryqta keminde úsh jyl bolý degen sııaqty.
Baǵdarlamanyń merzimi - bes jyl, onyń ishinde úsh jyl - júzege asyrý, eki jyl - monıtorıngke arnalady. Ótinish qabyldaý merzimi - 2018 jyldyń jeltoqsan aıynyń sońyna deıin.
Baǵdarlamanyń sharttary men tolyq mátinin, sondaı-aq tapsyrystyń shablonyn «Báıterek» holdınginiń resmı saıtynan tabýǵa bolady.
Qatysý jáne qosymsha aqparat alý máseleleri boıynsha kásipkerler baǵdarlamanyń baılanys ortalyǵyna +7 (7172) 91-91-98 telefony boıynsha habarlasa alady.
