«Básekege qabiletti bolǵanda ǵana - básimiz joǵary»- respýblıkalyq basylymdarǵa sholý
***
Beıbitshilik jáne kelisim saraıynda Qazaqstan Respýblıkasynyń Konstıtýtsııasy kúnine arnalyp beısenbide bastalǵan «Konstıtýtsııa - qoǵam men memleketti áleýmettik jańǵyrtýdyń negizi» atty halyqaralyq ǵylymı-praktıkalyq konferentsııa jumysy keshe L.N.Gýmılev atyndaǵy Eýrazııa ulttyq ýnıversıtetinde odan ári jalǵasty. Osy alqaly jıyn arqaý bolǵan maqala «Egemen Qazaqstan» gazetiniń senbilik sanynda «Aıshyqty Ata zań - azattyq aıǵaǵy» degen taqyryppen jarııa etildi. «Táýelsizdik jyldary ishinde Qazaqstan áleýmettik memlekettiń berik irgetasyn qalap, damýdyń asa sapaly deńgeıine kóterildi. Halyqtyń damý qalyptary úzdiksiz joǵarylaýda. Búkil halyq ıgiligine baǵyttalǵan ekonomıkalyq damýdyń konstıtýtsııalyq qaǵıdaty elimizde áleýetti baǵdarly naryqtyq ekonomıka úderisiniń qalyptasýyna túrtki boldy», - dep jazady basylym.
***
«Aıqyn» gazetiniń jazýynsha, «Qazaqstan temir joly» UK» AQ 2012 jyldyń 7 aıynda 8,5 mıllıon tonna astyq tasymaldap, bul iste rekordtyq mejege qol jetkizdi. Sonyń ishinde respýblıkaishilik baǵdarǵa - 2,2 mıllıon, eksporttyq baǵdarǵa - 6,3 mıllıon tonna astyq jiberildi. Ulttyq kompanııanyń vıtse-prezıdenti Ermek Qızatovtyń habarlaýynsha, ótken on bir aıda (ótken jyldyń qyrkúıegi men bıylǵy shilde arasynda) 9 mıllıon tonna astyq eksportqa shyǵarylsa, 2,4 mıllıon tonna un ónimderi jóneltilipti. «Tek bıylǵy jyldyń ózinde kompanııa 14756 júk vagondaryn satyp alady. Sonyń ishinde 1261-i - astyq vagondary, 2 myńy - jabyq vagondar. Qazirgi kezde 6887 vagon óndiriske engizildi. Olardyń 65-i astyq vagony bolsa, 849-y jabyq vagondar», - dedi Ulttyq kompanııanyń vıtse-prezıdenti Ermek Qızatov. Maqala «Jańa astyqty tasymaldaý jaıy talqylandy» degen taqyryppen berilgen.
2 qyrkúıek - munaı-gaz kesheni qyzmetkerleriniń kúni. Munaıshylardyń osy kásibı merekesi qarsańynda «Aıqyn» gazeti «QazMunaıGaz» kompanııasynyń aldaǵy josparlary týraly onyń Basqarma tóraǵasy Lıazzat Qıynovpen suhbattasqan. «Básekege qabiletti bolǵanda ǵana - básimiz joǵary» degen taqyryppen berilgen suhbat barysynda ol: «Qarashyǵanaq ken ornynyń merdiger kompanııalary arasynda birigip jumys isteý týraly kelisim jasalǵan. Sondyqtan Qarashyǵanaqtyń strategııalyq damýy konsortsıýmǵa qatysýshylardyń barlyǵynyń múddesine sáıkes áriptester quqyna zalal keltirilmeıtindeı etip birigip aıqyndalady. Memleket «QazMunaıGaz» arqyly osy jobadaǵy úlesin alýmen birge, osy asa iri munaı ken ornyndaǵy óndiristik protsesterdi ishinen baqylaý múmkindigine ıe bolady. Bul - Qazaqstannyń energetıkalyq qaýipsizdigin qamtamasyz etý úshin óte mańyzdy», - dedi.
Astanada 600-den astam ózge ult ókili memlekettik tilde bilim berý mekemelerinde oqıdy. Bul jaıynda «Astana aqshamy» gazetiniń búgingi sanynda jaryq kórgen «Qazaqsha oqýǵa qushtarlyq basym» degen taqyryptaǵy maqalada baıandalǵan. Basylymnyń atap ótýinshe, aǵymdaǵy oqý jylynda Astana qalasynda 71 jalpy bilim beretin mektep jumys istese, solardyń 24-i memlekettik tilde, 11-i orys tilinde bolyp keledi. Al 36 mektep qazaq jáne orys tilinde bilim beredi. «Astana qalalyq bilim basqarmasynan alǵan málimetterimizge qaraǵanda, bıylǵy jańa oqý jylynda da memlekettik tildegi mektepterge baryp jatqan ózge ult ókilderi barshylyq», - dep jazady basylym.
***
«Keshe Astanada táýlik boıy jańalyqtar taratatyn Qazaqstandaǵy birinshi «24KZ» telearnasynyń saltanatty tusaýkeser rásimi ótti. Oǵan Memlekettik hatshy Muhtar Qul-Muhammed, Mádenıet jáne aqparat mınıstri Darhan Myńbaı, Bilim jáne ǵylym mınıstri Baqytjan Jumaǵulov, QR Parlamentiniń depýtattary, shyǵarmashylyq ıntellıgentsııa men qoǵam ókilderi qatysty», - dep jazady «Kazahstanskaıa pravda» gazeti búgingi sanyndaǵy «Govorıt ı pokazyvaet «24KZ» degen taqyryptaǵy maqalasynda. «Búgin Elbasynyń tapsyrmasy boıynsha júzege asyrylatyn jańa joba - táýlik boıy aqparat taratatyn «24KZ» telearnasy óz jumysyn bastaıdy. Bul - álemdik medıa qaýymdastyǵyndaǵy eń tanymal telearnalarda bar úrdis», - dedi jınalǵandar aldynda sóz sóılegen M.Qul-Muhammed.
