«Baseke» atty jańa otandyq komedııalyq telehıkaıa jeltoqsanda jaryqqa shyǵady
ASTANA. QazAqparat - «Habar» agenttiginiń tapsyrysy boıynsha «Bas prodakshn» stýdııasy «Baseke» atty jańa komedııalyq serıal túsirip jatyr.
Ońtústik óńirde qazir «Baseke» kınotýyndysy túsiriliminiń qyzǵan shaǵy. Stsenarıı boıynsha alaqandaı aýylǵa eki mıllıoner keledi. ıAhta, kólik, ushaqpen qatynap, jerge tabany tımeıtin qaltalylardyń ómiri de qas-qaǵymda qubylyp sala berdi. Dáýletti kásipkerler aýylda júrip, baqyttyń tek aqshadan turmaıtynyna kóz jetkizedi.
Stsenarısterdiń aıtýynsha, jerdiń qaı túkpirinde bolmasyn jaqsy ómir súrýge bolady.
- Bul fılm jaqsy, sátti, halyqqa bir oı salatyn, kóńil-kúı syılaıtyn keremet dúnıe bolatynyna senim mol, - deıdi akter Baqyt Týshaev.
Asyp-tasqan baı-baǵlandardyń qalaı táýbesine kelgeni jaıly týyndyny qazaqstandyqtar jeltoqsan aıynda «Habar» arnasynan kóre alady, dep habarlaıdy telearnanyń baspasóz qyzmeti.
