Bas jospar áli bekitilmegen: Shymkent ákimdigi Turan turǵyndarynyń shaǵymyna jaýap berdi
Áleýmettik jelide Shymkent qalasyndaǵy Turan shaǵynaýdany turǵyndarynyń shaǵymy tarady.
Jer máselesine qatysty týyndaǵan suraqtarǵa Shymkent ákimdigi jaýap berdi.
Taldaý nátıjesinde 2021 jyly Turan shaǵyn aýdanynyń egjeı-tegjeıli josparlaý jobasyna túzetý engizý jumysy júrgizilip, birneshe nusqasy ázirlengen.
Mamandardyń aıtýynsha áleýmettik jeliler men telearnalarda taraǵan aqparatta Turan shaǵynaýdany turǵyndarynyń alańdaýshylyǵyn týǵyzǵan málimet – egjeı-tegjeıli jobalaý josparynyń bir nusqasy ǵana.
Ol - resmı bekitilmegen qujat.
«Qazaqstan Respýblıkasynyń Prezıdenti Qasym-Jomart Toqaevtyń «Halyq únine qulaq asatyn memleket» tujyrymdamasyna sáıkes, qalanyń damýyna qatysty kez kelgen másele turǵyndardyń pikiri men kózqarasyn eskere otyryp qabyldanady. Sondyqtan zań talaptary men qurylys normalaryna sáıkes Turan shaǵyn aýdanynyń egjeı-tegjeıli josparlaý jobasy naqty bekitilmeı turyp, bul másele boıynsha aldyn-ala qoǵamdyq tyńdalym ótkiziledi» - delingen ákimdik tarapynan berilgen habarlamada.
Qoǵamdyq talqylaýdyń ótetin orny men ýaqyty aldyn ala buqaralyq aqparat quraldarynda jáne áleýmettik jeliler arqyly turǵyndarǵa habarlanady.
Qoǵamdyq tyńdaýda turǵyndar egjeı-tegjeıli jobalaý josparyn bekitý máselesi boıynsha daýys beredi.
ıAǵnı, túpkilikti sheshimdi turǵyndardyń ózderi qabyldaıdy.
«Qazaqstan Respýblıkasynyń zańdary azamattardyń menshik quqyǵyn erekshe qorǵaýǵa alyp, oǵan kepildik beredi. Memleket óz azamattarynyń múlkinen zańsyz jolmen aıyrylýyna, baspanasyz qalýyna jol bermeıdi. Shymkent qalasynyń barsha turǵyndaryn qoǵamdyq talqylaýǵa qatysýǵa jáne qalamyzdyń kórkeıýi men damýy úshin atsalysýǵa shaqyramyz» - delingen habarlamada.
