Bas sanıtarlyq dáriger mektep formasyn qalaı tańdaý kerektigin túsindirdi
«Mektep formasy da gıgıenalyq normatıvterge sáıkes kelýi tıis. ıAǵnı sıntetıkalyq materıaldardyń salystyrmaly úlesi qajetti normalardan aspaýy kerek», - dedi Bas sanıtarlyq dáriger Ortalyq kommýnıkatsııalar qyzmetinde.
Osy oraıda ol ata-analar kıimdi satyp alý kezinde bala osy kıimdi 5-6 saǵat jáne odan da astam ýaqyt boıy kıetinine jáne birinshi kezekte formanyń tigilgen materıalynyń sapasyna nazar aýdarýy kerek ekenin atap ótti. Forma tigiletin mata balanyń denesi demalatyndaı jáne allergııanyń aldyn alý úshin gıgıenalyq qasıetke ıe tabıǵı materıaldardan (toqyma, maqta, jibek) jáne vıskozadan bolǵany durys.
«Aıaq kıimdi tańdaý kezinde kemshilikterine kóp mán bermeı, onyń syrtqy túrine nazar aýdaramyz. Aıaq kıimdi durys tańdamaý - balalar men jasóspirimderdi aıtpaǵanda eresek adamnyń da taban súıegin ózgertýi múmkin. Ata-analardyń taǵy bir qateligi, baıaǵy ádetpen, balalaryna aıaq kıimdi eki-úsh ólshem úlken bolatyn óskeleń jasqa satyp alýy. Qazir tańdaý kóp, sondyqtan balanyń taban súıegin buzbaý úshin jáne balanyń kóp súrinip aıaq kıimdi tez tozdyrmaýy úshin aıaq kıimdi balanyń óz ólshemi boıynsha satyp alǵan durys», - dedi Jandarbek Bekshın.
Budan buryn habarlanǵandaı, Qoǵamdyq densaýlyq saqtaý komıtetiniń tóraǵasy Jandarbek Bekshın oqýshylarǵa arnalǵan mektep sómkeleriniń standarty týraly aıtyp bergen edi.