Bas sanıtarlyq dáriger koronavırýstyń taralýyna jol bermeý boıynsha qosymsha sharalardy engizdi
NUR-SULTAN. QazAqparat – Densaýlyq saqtaý mınıstrliginiń resmı saıtynda Qazaqstannyń bas memlekettik sanıtarlyq dárigeri Jandarbek Bekshınniń «Qazaqstan Respýblıkasynda koronavırýs ınfektsııasynyń taralýyna jol bermeý boıynsha qosymsha sharalardy engizý týraly» qaýlysy jarııalandy, dep habarlaıdy QazAqparat tilshisi.
«Qazaqstan Respýblıkasynda COVID-19 koronavırýs ınfektsııasynyń taralý qaýpin eskertý maqsatynda QAÝLY ETEMІN:
1. Osy qaýlynyń 1-shi qosymshasyna sáıkes COVID-19 juqtyryp alý qaýpi joǵary jerde bolǵan adamdarǵa karantın túrin taǵaıyndaý tártibi bekitilsin.
2. Oblys ákimderi, Almaty, Nur-Sultan, Shymkent qalalarynyń ákimderi:
1) COVID-19 aýrýyn juqtyrýy múmkin kúdiktiler úshin qosymsha provızorlyq statsıonarlardy ashsyn;
2) osy qaýlynyń 2-qosymshasyna sáıkes naýqastarmen baılanysta bolǵan nemese koronavırýs ınfektsııasyn juqtyrǵan adamdardy oqshaýlaý úshin karantındik aýrýhanalardy daıyndasyn;
3) osy qaýlynyń 1 qosymshasyna sáıkes nusqaýlyq boıynsha naýqastarmen baılanysta bolǵan nemese koronavırýs ınfektsııasyn juqtyrǵan adamdar tasymaldansyn», dep atap kórsetilgen qujatta.
Qaýlynyń tolyq mátinin myna siltemeden kórýge bolady.
