Bas sanıtarlyq dáriger koronavırýstyń aldyn alý sharalaryn kúsheıtý týraly qaýly qabyldady
«QR Bas memlekettik sanıtarlyq dárigeri 25 aqpanda «Qazaqstan Respýblıkasynda koronavırýstyq ınfektsııanyń aldyn alý sharalaryn odan ári kúsheıtý týraly« qaýly qabyldady, 1 naýryzdan bastap kúshine enedi.
Osy qaýlyǵa sáıkes COVID – 19 jaǵdaılary tirkelgen elder 3 sanatqa bólinedi. Jiktemege baılanysty osy elderden QR-ǵa kelgen adamdarǵa qatysty epıdemııaǵa qarsy is-sharalar júrgiziletin bolady», delingen habarlamada.
1 a) sanat: bul koronavırýstyq ınfektsııamen ( QHR, Iran) aýrýshańdyq boıynsha qolaısyz elderden kelgen adamdar.
Olardyń barlyǵy 14 kúnge oqshaýlaýmen karantınge ornalastyrylady. Sodan soń, taǵy 10 kún ishinde shyqqannan keıin, olar medıtsınalyq baqylaýda bolady uıymdarynda medıtsınalyq-sanıtarııalyq alǵashqy kómek (budan ári - MSAK) turǵylyqty meken-jaıy boıynsha kórsetiledi. Kúndelikti telefon shalý arqyly jaǵdaıyn anyqtaıtyn bolady.
1 b) sanat: bul QHR Gonkong SAR, QHR Makao SAR, Taıvan (QHR), Ońtústik Koreıa, Japonııa, Italııadan kelgender.
Olardyń barlyǵy adamdar kóp jınalatyn jerlerge barmas úshin úıinde oqshaýlanady. Olarǵa 14 kún ishinde turatyn (bolatyn) jeri boıynsha BMSK qyzmetkerleriniń kúndelikti baqylaýy belgilenetin bolady. Odan keıin taǵy 10 kún ishinde turatyn jeri boıynsha BMSK uıymdarynda medıtsınalyq baqylaý júrgiziledi (kún saıynǵy qońyraý shalý).
2 sanat: Sıngapýrdan, Taılandtan, Ázerbaıjannan kelgen adamdar.
Olardy BMSK medıtsına qyzmetkerleri turatyn (bolatyn) jeri boıynsha 14 kún ishinde qadaǵalaıtyn bolady. Odan ári medıtsınalyq baqylaý kún saıyn qońyraý shalý arqyly 10 kún ishinde júzege asyrylady.
3 sanat: Germanııa, AQSh, BAÁ, Ulybrıtanııa, Frantsııa, Bahreın, Kýveıt, Ispanııa, Malaızııadan kelgen tulǵalar.
Barlyǵy QR shekarasynan ótken kúnnen bastap 24 kún ishinde qońyraý shalý arqyly turǵylyqty jeri boıynsha BMSK medıtsınalyq qadaǵalaýynda bolady.