Bas sanıtarlyq dáriger keńesi: Qonaqqa barma ári shaqyrma, maska taq
NUR-SULTAN. QazAqparat - Halyq júris-turystyń jańa erejelerin ustanýǵa kóshýi tıis. Bul týraly QR memlekettik bas sanıtarlyq dárigeri Aıjan Esmaǵambetova aıtty, dep habarlaıdy QazAqparat tilshisi.
«Árbir adam jaǵdaıǵa barynsha jaýapkershilikpen qaraýy tıis. Syrqattanyp qalmaý, jaqyndarymyzǵa juqtyryp almaý, ujymymyz ben otbasymyzǵa vırýs alyp kelmeýimiz úshin barlyǵyn jasaýymyz kerek. Halyq júris-turystyń jańa erejelerine - qol gıgıenasy standartyna, respıratorlyq ádepke jáne araqashyqtyqty ustanýǵa kóshýi tıis», - dedi búgin elimizdiń bas sanıtarlyq dárigeri Ortalyq kommýnıkatsııalar qyzmetindegi brıfıngte.
Sonymen qatar ol adamdar kóp jınalatyn jerlerge barmaýǵa, óz otbasyńnyń múshelerimen ǵana qarym-qatynas jasaýǵa, qonaqqa barmaýǵa jáne qonaq shaqyrmaýǵa, jeke ári respıratorlyq gıgıenany, qoǵamdyq orynda áleýmettik araqashyqtyqty saqtaýǵa, kez kelgen qarym-qatynas kezinde medıtsınalyq maska taǵýǵa, antıseptıkter paıdalanýǵa keńes berdi.
