Bas sanıtarlyq dáriger eń qaýipti tumaý vırýsyn atady
Onyń sózine qaraǵanda, jyl saıyn elimizde 500 myńnan 1 mıllıonǵa deıin tumaý men jiti respıratorlyq vırýstyq ınfektsııalardyń jaǵdaılary tirkeledi. Ótken jyly aldyn alý sharalarynyń nátıjesinde JRVI sany azaıyp, 530 myń jaǵdaı baıqaldy.
«Bıyl tıisti taldaý jumystaryn júrgizdik. Dúnıejúzilik densaýlyq saqtaý uıymynyń usynysy boıynsha 2018-2019 jyldardaǵy epıdmaýsymyna jańa vaktsına jetkizildi. Bul reseılik «Grıppol+» vaktsınasy quramynda tymaýdyń úsh tıpi bar. Atap aıtqanda, úsh shtamm arasynda A (H1N1) - Mıchıgan, A (H3N2) - Sıngapýr, V - Kolorado qamtylǵan. Osy túrleri eń qaýipti dep sanalady, onyń ishinde Sıngapýr jańa tıp bolǵandyqtan tymaýdyń bul túrine ımmýnıtet keńinen qalyptasa qoıǵan joq», - dep túsindirdi J. Bekshın.
Bas sanıtarlyq dárigerdiń atap ótýinshe, bıyl vaktsınany jappaı egý sharalary elimizde 1 qazannan bastalady. Al keıbir óńirlerde bul jumystar erterek iske asyrylýy múmkin. Belgili bolǵandaı, JRVI-dyń jáne tumaýdyń epıdemıologııalyq maýsymy 2018 jylǵy qazanda bastalyp, 2019 jylǵy mamyrǵa deıin sozylady.
Qoǵamdyq densaýlyq saqtaý komıtetiniń aqparaty boıynsha Qazaqstanda qazan aıynan bastap turǵyndardyń 10 paıyzy vaktsınatsııalanady. 2018 jyly bıýdjet qarajatyna Reseıde óndirilgen «GRIPPOL +» vaktsınasynyń 1,5 mln dozasy 1 mlrd 200 mln teńgege satyp alyndy. Vaktsına A (H3N2) jáne A (H1N1) jáne V tumaý shtammdarynyń antıgenderin qamtıdy. Odan basqa Qazaqstanda 3 óndirýshiniń tumaýǵa qarsy taǵy 4 vaktsınasy tirkelgen.
Taratylǵan málimetterge qaraǵanda, aldyn alý maqsatynda árbir adam qalaýy boıynsha tumaýǵa qarsy aqyly túrde vaktsına alady. Bul sharalar halyqtyń sanıtarııalyq-epıdemıologııalyq salamattylyǵy salasyndaǵy ýákiletti organnyń ruqsaty bar jekemenshik vaktsınatsııalaý ortalyqtarynda, turǵylyqty jeri boıynsha egý kabınetterinde júrgiziledi. Tumaýǵa qarsy vaktsınatsııalaý júrgiziletin osyndaı medıtsınalyq mekemelerdiń mekenjaılary turǵylyqty jeri boıynsha aýmaqtyq qoǵamdyq densaýlyq saqtaý departamentteriniń jáne densaýlyq saqtaý basqarmalarynyń saıttarynda ornalastyrylatyn bolady. Ártúrli óńirlerdegi aqyly egý kabınetterinde tumaýǵa qarsy vaktsınanyń quny 1600 teńgeden bastap 3500 teńge aralyǵynda bolady dep kútilýde.