Bas sanıtardyń qaýlysy: Ekpe tolyq alyp úlgermegen stýdentter qaıtedi
QR bas sanıtar dárigeri Erlan Qııasovtyń jańa qaýlysynda osylaı dep aıtylǵan, dep habarlaıdy QazAqparat tilshisi.
Qujatta jańa oqý jyly bastalǵan kezde vaktsınanyń tolyq komponentin alyp úlgermegen stýdentterdi oqý orny ornalasqan aýmaqtaǵy medıtsınalyq uıymdardyń egý pýnktterinde vaktsınalaý uıymdastyrý kerektigi aıtylǵan.
Al sheteldik stýdentter Qazaqstan aýmaǵyna oqýǵa turǵylyqty eldiń ýákiletti organy rastaǵan COVID-19-ǵa qarsy vaktsınatsııalaýdyń tolyq kýrsy bolǵan jaǵdaıda ǵana jiberiledi.
«Sheteldik stýdentter Qazaqstan Respýblıkasynyń Memlekettik shekarasynan ótkennen keıin 3 táýlikten keshiktirmeı PTR ádisimen alynǵan COVID-19-ǵa testileýdiń teris nátıjesi bar bolǵan jaǵdaıda kúndizgi oqý formatyna jiberilsin», - dep jazylǵan qujatta.
Sondaı-aq, medıtsınalyq kolledjder men joǵary oqý oryndarynyń bilim alýshylaryna klınıkalyq bazalarǵa, rezıdentýra bazalaryna, densaýlyq saqtaý salasyndaǵy bilim berý uıymdarynyń klınıkalaryna, ýnıversıtet aýrýhanasyna, ıntegratsııalanǵan akademııalyq medıtsınalyq ortalyqqa vaktsınalaý pasportymen rastalǵan COVID-19-ǵa qarsy vaktsınalaýdyń tolyq kýrsy bar bolǵan kezde kirýine ruqsat etiledi.
Atalmysh qujatta mektepterdiń bárinde jańa oqý jyly shtattyq rejımde bastalatyny da aıtylǵan.
«2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uıymdarynda shtattyq formatta oqýǵa ruqsat etilsin», - dep jazylǵan qaýlyda.