Bas sanıtaralyq dáriger balalarǵa polıomıelıtke qarsy vaktsınanyń ýaqytyly egilýine jiti nazar aýdarýǵa shaqyrdy
ASTANA. Mamyrdyń 17-si. QazAqparat /Rýslan Ǵabbasov/ - Densaýlyq saqtaý mınıstrligi el azamattaryn balalarǵa polıomıelıtke qarsy vaktsınanyń ýaqytyly egilýine jiti nazar aýdarýǵa shaqyrdy,
dep habarlaıdy QazAqparat.
«Ata-analarǵa aıtarymyz, erinbeı elimizdiń emhanalaryna baryp balalarǵa ýaqytyly vaktsına egilýine jiti nazar aýdarýǵa shaqyramyn», dedi QR Densaýlyq saqtaý mınıstrliginiń Memlekettik sanıtarlyq-epıdemıologııalyq baqylaý komıtetiniń tóraǵasy Keńes Ospanov.
Onyń sózine qaraǵanda, elimizde 1995 jyldan beri polıomıelıtpen aýyrýdyń birde-bir oqıǵasy tirkelmegen. Aıta keteıik, 2002 jyldan bastap Dúnıejúzilik densaýlyq saqtaý uıymy Qazaqstandy polıomıelıtten ada memleket dep jarııalady. Birneshe jyldar boıy respýblıkada balalardy polıomıelıtke qarsy vaktsınalaýmen qamtý deńgeıi 95-98 paıyzdy quraıdy. Dúnıejúzilik densaýlyq saqtaý uıymynyń málimeti boıynsha, Tájikstanda polıomıelıttiń oshaǵy tirkelgen. Osyǵan baılanysty Tájikstannan kelgen balalardy anyqtaý jáne vaktsınatsııalaý boıynsha is-sharalar júrgizilýde.
