Bas sanıtar qaýlysy: Vaktsına pasporty Qazaqstanda jaramdy elderdiń tizimi jańardy
NUR-SULTAN. QazAqparat – QR Bas sanıtar dárigeri Erlan Qııasovtyń taǵy bir qaýlysy jarııalandy. Qujat boıynsha Qazaqstanda vaktsına pasporty jaramdy elderdiń tizimi jańartylǵan, dep habarlaıdy QazAqparat tilshisi.
Qaýlyda Taıland, Mońǵolııa, Grýzııa, Qyrǵyz Respýblıkasy, Moldova Respýblıkasy jáne Túrkııa Respýblıkasynyń vaktsına pasporttary Qazaqstan aýmaǵynda jaramdy ekeni aıtylǵan.
«Osy qaýlymen birge berilgen, 3-qosymsha boıynsha, qujattardyń úlgilerine sáıkes Majarstan, Taıland, Mońǵolııa, Grýzııa, Qyrǵyz Respýblıkasy, Moldova Respýblıkasy jáne Túrkııa Respýblıkasy azamattarynyń pasporttary/ sertıfıkattary/ anyqtamalary Qazaqstan Respýblıkasynyń aýmaǵynda jaramdy dep tanylsyn», - dep jazylǵan qujatta.
Qujattyń mátinimen myna siltemeden tanysýǵa bolady.
Eske salsaq, Bas sanıtar dárigerdiń buǵan deıingi qaýlysy boıynsha vaktsına almaǵan qyzmetkerlerin shtattyq jumysqa jibermeýge mindettelgen nysandardyń tizimi ózgertildi.
