Bas sanıtar qaýlysy: Almatyda demalys kúngi shekteýler kúsheıtildi

NUR-SULTAN. QazAqparat – QR Bas sanıtar dárigeri Erlan Qııasovtyń 26 tamyzdaǵy qaýlysy boıynsha Almaty qalasynda demalys kúngi shekteýler kúsheıtildi, dep habarlaıdy QazAqparat tilshisi.

Qujat boıynsha Almaty qalasyn qospaǵanda, aǵymdaǵy jylǵy 28 tamyzdan bastap:

- demalys kúnderi – Ashyq jobasyna qatysatyn barlyq bıznes obektileriniń jumysyna – saǵat 00.00-ge deıin, qyzmetkerleri men kelýshilerde «jasyl mártebesi» bar Ashyq kóshbasshylarynyń jumysyna –saǵat 02.00-ge deıin;

- senbi kúnderi – qoǵamdyq kóliktiń jumysyna ruqsat berildi.

«Almaty qalasyn qospaǵanda, 30 tamyzdan bastap Ashyq jobasyna qatysatyn barlyq bıznes obektileri úshin jumys ýaqytyn jumys kúnderi saǵat 22.00-den 00.00-ge deıin, Ashyq jobasynyń kóshbasshylary úshin saǵat 00.00-den 02.00-ge deıin uzartsyn», - dep jazylǵan qaýlyda.

Qujatta Almaty qalasynda da shekteý sharalary dál osylaı jeńildeýi úshin epıdemıologııalyq jaǵdaı turaqtanýy kerektigi aıtylǵan.

«Qaladaǵy epıdemıologııalyq jaǵdaı truaqtanǵan jaǵdaıda karantındik sharalardy jeńildetýdi engizý tıisinshe aǵymdaǵy jylǵy 4 jáne 6 qyrkúıekten bastalsyn», - dep jazyǵan qaýlyda.

Qujattyń tolyq mátinin myna siltemeden kórýge bolady.