Bas sanıtar: Karantınniń aıaqtalýy – árbir azamattyń tártibine baılanysty
«Karantın – koronavırýs ınfektsııasyn aldyn alýdyń birden-bir amaly. Úıde bolyńyzdar. Eshqaıda shyqpańyzdar. Azyq-túlik nemese dári-dármek bolmasa asa qajettilik týyndamaǵan jaǵdaıda úıden shyqpaǵan abzal. Úıińizde de profılaktıkalyq sharalar týraly umytpańyzdar. Dymqyl shúberekpen úıdi tazartyp, bólmeni jeldetip, úı jaǵdaıyna arnalǵan ýltrakúlgindi sáýlelendirgishti paıdalanyńyz. Ýltrakúlgindi sáýleler vırýsty óltirýde óte tıimdi. Eger úıden shyqsańyz kóshede barynsha saqtanyp júrińiz. Adamdardan eki metr qashyqtyqta bolyp, antıseptıkterdi qoldanyńyz. Úıge kelgende qoldy betke aparmaı, mindetti túrde sabyndap jýyńyz. Aýrýdyń alǵashqy belgileri paıda bolǵan jaǵdaıda jedel járdemge júginińiz. Ózdigińizben ondaı jaǵdaıda úıden shyqpańyz», - dedi Aıjan Esmaǵambetova OKQ-da ótken baspasóz máslıhatynda.
Memlekettik bas sanıtarlyq dáriger karantınniń aıaqtalýy – árbir azamattyń tártibine baılanysty ekenin atap aıtty.
Eske sala ketsek búgingi baspasóz máslıhatynda memlekettik bas sanıtar shekteý sharalary kúsheıtilýi tıis óńirlerdi ataǵan edi.