Bas sanıtar aıazdy kúnderi balalardy mektepte oqytý sheshimine pikir bildirdi

NUR-SULTAN. QazAqparat – QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov aıazdy aýa raıynda balalardy mektepke jiberý sheshimi týraly suraqqa jaýap berdi, dep habarlaıdy QazAqparat tilshisi.

«Bıylǵy oqý jylynyń birinshi, ekinshi toqsanynda alǵan tájirıbemizdi eskere otyryp, Bilim jáne ǵylym mınıstrligimen birlesip, qosymsha ázirledik jáne qaýly qabyldadyq, sonyń negizinde úshinshi toqsanda 9, 11, 12-synyp oqýshylaryn mektepte oqytýǵa ruqsat berdik. Oqytýdyń aralas nusqasynda pánderdiń 70% qalypty rejımde, 30% - onlaın rejımde oqytylatyn bolady»,- dedi Erlan Qııasov OKQ-de ótken onlaın brıfıngte tilshi suraǵyna bergen jaýabynda.

«Aldaǵy ýaqytta bolatyn qolaısyz aýa raıyna kelsek, ár óńirde jaǵdaı ártúrli bolady. Qys mezgili jyly bolatyn aımaqtar da bar. Munda qolaısyz meteojaǵdaılarǵa baılanysty sabaqty toqtatý sheshimi ár óńirde jeke qabyldanady», - dep túsindirdi Qazaqstannyń bas sanıtarlyq dárigeri.