«Bas redaktorlar klýbyna» 5 jyl
ASTANA. 12 qarasha. QazAqparat - Búgin Astanada «Bas redaktorlar klýby» qoǵamdyq birlestiginiń 5 jyldyǵyna arnalǵan saltanatty jıyn bolyp ótti.
«Bizdiń Klýbtyń kóteretin máseleleriniń eń bastysy - jýrnalıstıkanyń deflomatsııasy. Biz jýrnalıstıkaǵa degen osyndaı kózqarasty ózgertý úshin barymyzdy salyp kelemiz. 5 jyl ishinde Klýb sóz bostandyǵy men jýrnalısterdiń aqparatqa qoljetimdiligi jaǵdaıyn jaqsartý úshin kóptegen sharýa atqardy. Sondaı-aq, jýrnalısterdiń jaýapkershiligin arttyrýda da qolǵa alynǵan sharalar az emes», - dep atap ótti Bas redaktorlar klýbynyń prezıdenti Kenjebolat Joldybaı.
«Ózderińiz bilesizder, jaqynda Qazaqstan jýrnalısteri odaǵy men klýb músheleri birlese otyryp, Qazaqstan jýrnalısiniń etıka kodeksin qabyldady. Munyń ózi jýrnalıstıkanyń damýyna úlken úlesin qosady dep bilemiz», - dedi ol.
Klýb 2007 jyldyń 12 qarashasynda resmı tirkeýden ótip, óz jumysyn bastaǵan bolatyn. Erikti qoǵamdyq birlestikke búginde elimizdegi kóptegen BAQ basshylary men jetekshileri múshe bolyp tabylady. Qoǵamdyq birlestiktiń 5 óńirlik fılıaly, 200-den astam músheleri bar.
