Bas redaktorlar klýby jýrnalısterdiń qatysýymen bolatyn daýlarda medıator bolýy múmkin
ASTANA. QazAqparat - «Klýbtyń daýly jaǵdaılardy sotqa jetkizbeı sheshýge paıdalanýǵa bolatyn qajetti uıymdastyrýshylyq jáne shyǵarmashylyq-ıntellektýaldyq resýrstary jetkilikti», - dedi Bekhojın.
Búgin Erlan Bekhojın Joǵarǵy sotqa jýrnalısterdiń arasynda daý týǵan jaǵdaıda bas redaktorlar klýbyn medıator retinde paıdalanýǵa usynys jasady, dep habarlaıdy Zakon.kz.
Ol óz usynysyn BAQ áleýmettik ınstıtýt retinde qoǵamdyq kelisim ornatýshy, degenmen, jýrnalıster kóbinese daýly jaqtyń sózin sóıleıdi, bul qaýipti dep túsindirdi.
«Osyǵan oraı, osyndaı daýly jaǵdaılardy maǵan jaqynda ǵana basqarýǵa senim artqan Bas redaktorlar klýbynyń dıalog alańy arqyly retteýge bolady dep oılaımyn. Klýbtyń mundaı jaǵdaılardy sotqa jetkizbeı sheshýge paıdalanýǵa bolatyn qajetti uıymdastyrýshylyq jáne shyǵarmashylyq-ıntellektýaldyq múmkindikteri jeterlik», - dedi ol.
Sondaı-aq, ol Klýbtyń medıator retinde tolyqqandy tirkeýden ótýge daıyn ekendigin bildirdi.
