«Bas redaktorlar klýby» saılaý naýqanyna qatysty Hartııa qabyldady
ASTANA. 5 jeltoqsan. QazAqparat /Qanat Mámetqazyuly/ - Búgin «Bas redaktorlar klýby» saılaý naýqanyn baıandaýlar barysynda etıkalyq normalardy ustaný týraly hartııany qabyldady.
Bul týraly elordadaǵy Ulttyq baspasóz ortalyǵynda ótken brıfıng barysynda «Bas redaktorlar klýby» qoǵamdyq birlestiginiń prezıdenti Bolat Erejepov málim etti.
«Elimizdegi buqaralyq aqparat quraldary aldaǵy saılaýǵa qatysty ózderiniń partııalyq tizimin bekitken barlyq partııalar úshin, máslıhattar depýtattyǵyna kandıdattar úshin, olardyń saıası kózqarastaryna esh qaramastan BAQ-taǵy erkin qoljetimdilikterine jol berýleri jáne járdemdesýleri kerek. Soǵan oraı, qabyldanyp otyrǵan Hartııa aldaǵy saıası naýqan barysyn BAQ-tyń kásibı jáne obektıvti túrde kórsetýlerine shaqyrady», - delingen Hartııada.
