«Bas redaktorlar klýby» qoǵamdyq birlestiginiń Qazaqstan azamattaryna úndeýi
ASTANA. 13 qańtar. QazAqparat - Qazaq aqparat agenttigi «Bas redaktorlar klýby» qoǵamdyq birlestiginiń Prezıdent Nursultan Nazarbaevtyń ókilettigin 2020 jyldyń 6 jeltoqsanyna deıin uzartý jóninde referendým ótkizý týraly usynysty qoldaýǵa shaqyratyn el azamattaryna joldaǵan úndeýiniń mátinin jarııalaıdy.
Qazaqstan azamattaryna úndeý!
Qazaqstandyq 150-den astam buqaralyq aqparat quraldarynyń basshylary men bas redaktorlaryn biriktiretin «Bas redaktorlar klýby» qoǵamdyq birlestigi elimizdiń Tuńǵysh Prezıdenti Nursultan Nazarbaevtyń ókilettigin 2020 jyldyń 6 jeltoqsanyna deıin uzartý jóninde referendým ótkizý týraly usynysty biraýyzdan qoldaıdy. Negizgi baǵyty eldegi BAQ naryǵyn udaıy damytýǵa naqty jaǵdaılar jasaý bolyp tabylatyn Klýb qazaqstandyqtardy Qazaq elin damyǵan memleketke ǵana emes, sonymen birge bedeldi aımaqtyq derjavaǵa aınaldyrǵan Kóshbasshysyna senim artýǵa shaqyrady. Táýelsizdik jyldary ekonomıkalyq ósý jáne saıası modernızatsııalaý turǵysynda Qazaqstannyń qol jetkizgen tabystaryn álemdik qaýymdastyq tolyǵymen moıyndap otyr. Joǵary deńgeıli damý qarqyny, tolyqqandy energetıkalyq múmkindikter men resýrstyq baza, damyǵan adamdyq kapıtal, medıtsına men ǵylymı saladaǵy ınnovatsııalar, negizi ornyqty azamattyq qoǵam Qazaqstannyń óz bolashaǵyna nyq senimmen qaraýyna múmkindik beredi.
Qazaqstandyq medıanaryq memleketpen birlese jedel damýda. 2,5 myń belsendi respýblıkalyq buqaralyq aqparat quraldarynyń 80 paıyzdan astamy búginde memlekettik emes bolyp tabylady. Naryqtyq reformalar BAQ-tardyń sandyq ári sapalyq ósýine qol jetkizdi. Mass-medıanyń damý qarqyny jaǵynan Qazaqstan búgin Ortalyq Azııada aldyńǵy orynǵa ıe. Buǵan otandyq medıanaryqtyń básekege qabilettigin arttyrýǵa, buqaralyq aqparat quraldaryn ekonomıkalyq turǵydan qoldaýǵa baǵyttalǵan is-sharalar mol áser etti.
Elimizde azamattyq qoǵam ınstıtýttary da belsendi qyzmet atqarýda. Búgingi kúni Qazaqstanda áleýmettik salanyń túrli baǵyttaryn qamtyǵan 18 myńnan astam úkimettik emes uıymdar tirkelgen. Osylardyń barlyǵy memlekettiń jáne onyń Kóshbasshysynyń demokratııa prıntsıpterine jáne quqyqtyq qoǵamdy damytýǵa yntaly ekendiginiń kýási ispetti.
Elimizdiń údemeli-ınnovatsııalyq damýy, ekonomıkanyń jekelegen sektorlarynyń jáne respýblıka aımaqtarynyń ortamerzimdik damý baǵdarlamalary, memlekettiń 2020 jylǵa deıingi Strategııalyq damý jospary - minekı sheshimderi óskeleń urpaq taǵdyryna meılinshe áser etetin osyndaı bir jańa mindetterdi Qazaqstan táýelsizdiginiń úshinshi onjyldyǵy qarsańynda óziniń aldyna qoıyp otyr. Osy rette, bedeldi halyqaralyq sarapshylardyń jıi aýyzdaryna alatyn «Qazaqstandyq ǵajaıyp» syndy úlken jetistik «Nazarbaev fenomenimen» tyǵyz baılanysty ekendigin aıtqan jón.
Birlik, turaqtylyq, qalypty damý tárizdi bizdiń elimizdiń mańyzdy jetistikteriniń kepili ári ıdeıalyq turǵydan dem berýshisi tek Prezıdent bolyp tabylady.
«Bas redaktorlar klýby» qoǵamdyq birlestigi atynan bizder, ıaǵnı Qazaqstan jýrnalıster qaýymdastyǵynyń ókilderi, elimizdiń damýynyń belgilengen sara jolynan aýytqymaýynyń mánin jáne mańyzdylyǵyn túısine otyryp, Qazaqstannyń barlyq azamattaryn Qazaqstannyń Tuńǵysh Prezıdenti Nursultan Nazarbaevtyń prezıdenttik ókilettigin uzartý jóninde respýblıkalyq referendým ótkizý týraly usynysty qoldaýǵa shaqyramyz.
Astana, 13 qańtar, 2011 jyl.
