Bas Prokýrordyń narazylyǵy boıynsha Shyǵys Qazaqstan oblystyq sotynyń apellıatsııalyq satysy qaýlysynyń kúshi joıyldy
ASTANA. 16 shilde. QazAqparat - Shyǵys Qazaqstan oblysy qylmystyq ister boıynsha mamandandyrylǵan aýdanarlyq sotynyń 2011 jylǵy 9 qarashadaǵy úkimimen buryn sottalǵan B.Rahymbaev múlikterin tárkileı otyryp, 11 jylǵa bas bostanydyǵynan aıyrýǵa, qatań rejımdegi túzetý kolonııasynda jazasyn óteýge sotttaldy.
Sottalýshynyń áreketinde qylmystyń qaıtalanýy bar dep tanyldy. Bul týraly Bas prokýratýranyń baspasóz qyzmetinen habarlady.
Shyǵys Qazaqstan oblystyq sotynyń apellıatsııalyq satysynyń qaýlysymen sot úkimi ózgertilgen, Rahymbaevtyń áreketi qaıta kvalıfıkatsııalanyp, oǵan jalpy rejımdegi túzetý kolonııasynda 4 jylǵa bas bostandyǵynan aıyrý taǵaıyndalǵan. Úkimge engizilgen ózgeristerdi eskere otyryp, sot sottalýshyny esirtki zattaryn satý maqsatynsyz asa iri mólsherde zańsyz alý, saqtaý jáne bılik ókilderi - polıtsııa qyzmetkerlerin olardyń qyzmettik mindetterin oryndaý barysynda kópshilik aldynda balaǵattaýǵa kináli dep tanyǵan.
Shyǵys Qazaqstan oblysynyń prokýrory qaýlyǵa engizgen narazylyǵynda aıyptynyń áreketi qate qaıta kvalıfıkatsııalanǵanyn, al taǵaıyndalǵan jaza qylmystyń aýyrlyǵyna sáıkes kelmeıtindigin aıtady. Sottalýshynyń asa iri mólsherdegi esirtki zattaryn satý pıǵylynyń dáleldenbegeni týraly apellıatsııalyq sot satysynyń qorytyndysy oralǵan esirtki zattaryn tabý jáne alý olardyń naqty satý úshin daıyndalǵanyna dálel bola almaıdy jáne sottalǵan adamdy satyp alý nemese satý barysynda ustaý kerek edi dep negizdeledi.
Sottalýshynyń asa iri mólsherdegi esirtki zattaryn saqtaýy týraly derekti nazarǵa ala otyryp, birinshi satydaǵy sot alynǵan geroınniń salmaǵy tek qana jeke bastyń paıdalanylýyna ǵana saqtalǵanyn joqqa shyǵarady, dozaǵa bólý jáne oraý, sottalýshynyń óziniń nashaqorlyqpen aýyrmaıtyny, olardyń satýǵa daıyndalǵandyǵyń bildiredi dep úkimde durys kórsetken. Osyǵan oraı esirtki zattaryn zańsyz alý jáne saqtaý týraly negizdi túrde qorytyndy jasaǵan.
Bas Prokýrordyń narazylyǵymen kelisken Joǵarǵy sottyń qylmystyq ister boıynsha qadaǵalaý sot alqasy 2012 jyldyń 19 maýsymynda Shyǵys Qazaqstan oblystyq sotynyń apellıatsııalyq satysynyń Rahymbaevqa qatysty qaýlysynyń kúshin joıdy jáne qylmystyq ister boıynsha mamandandyrylǵan aýdanaralyq sotynyń úkimin ózgerissiz qaldyrdy.
