Bas prokýrordyń Kýbogy Bas prokýratýranyń komandasynyń quramasyna buıyrdy
Bas prokýrordyń Kýbogy tuńǵysh ret ótkizilip otyr, uıymdastyrýshylardyń aıtýynsha, bul sharanyń maqsaty - prokýratýra qyzmetkerleriniń arasynda sportty jáne salaýatty ómir saltyn nasıhattaý.
Óńirlerde ótkizilgen irikteý oıyndarynyń qorytyndysy boıynsha aqtyq kezeńge Atyraý, Aqtóbe, Almaty jáne Qaraǵandy oblystarynyń quramalary, sondaı-aq Almaty prokýratýrasy men Bas prokýratýranyń komandalary shyqty.
Al búgin Astanada ótken sheshýshi kezdesýde Bas prokýratýra komandasy jeńiske jetti. Al ekinshi oryndy - Qaraǵandy oblystyq prokýratýrasynyń komandasy qanjyǵalasa, úshinshi oryndy - Almaty qalasynyń prokýrorlary qanaǵat tutty.
Chempıonattyń jabylý rásiminde sóz sóılegen Bas prokýror Qaırat Mámı, týrnırdiń Ata zańymyzdyń 15 jyldyǵyna arnalǵanyn atap kórsetti jáne prokýratýra organdarynyń barlyq qyzmetkerlerin chempıonattyń aıaqtalýymen jáne kele jatqan merekemen quttyqtady.