Bas prokýrordyń buıryǵymen ákimshilik quqyq buzýshylyqtar, olardy jasaǵan tulǵalar týraly ortalyqtandyrylǵan derekter banki quryldy
* * *
Qazaqstan Respýblıkasynyń Bas Prokýratýrasynyń buıryǵy
12 qarasha 2012 jyl, № 134, Astana qalasy
Ákimshilik quqyq buzýshylyqtar jáne olardy jasaǵan tulǵalar
týraly ortalyqtandyrylǵan derekter bankin qurý jáne onyń júrgizilýi jónindegi Nusqaýlyqty bekitý týraly
Memlekettik quqyqtyq aqparattyq statıtstıkalyq júıeni jetildirý jáne damytý, sonymen qatar Qazaqstan Respýblıkasynyń ákimshilik quqyq buzýshylyqtar týraly kodeksin qoldaný kezinde memlekettik organdardy aqparattyq qamtamasyz etý maqsatynda, «Prokýratýra týraly» Qazaqstan Respýblıkasy Zańynyń 11 baby 4-1) tarmaqshasyn basshylyqqa alyp, buıyramyn:
1. Bekitilsin:
1) Ákimshilik quqyq buzýshylyqtar jáne olardy jasaǵan tulǵalar týraly ortalyqtandyrylǵan derekter banki;
2) Ákimshilik quqyq buzýshylyqtar jáne olardy jasaǵan tulǵalar týraly ortalyqtandyrylǵan derekter bankiniń júrgizilýi jónindegi Nusqaýlyq.
2. Kúshi joıyldy dep tanylsyn:
1) «Ákimshilik quqyq buzýshylyqtar jáne olardy jasaǵan tulǵalar týraly ortalyqtandyrylǵan derekter bankin qurý jáne onyń júrgizilýi jónindegi Nusqaýlyqty bekitý týraly» Qazaqstan Respýblıkasy Bas Prokýrorynyń 2009 jylǵy 29 qyrkúıektegi № 53 buıryǵy (Normatıvtik quqyqtyq aktilerdi memlekettik tirkeý tiziliminde № 5854 sanymen tirkelgen);
2) «Qazaqstan Respýblıkasy Bas Prokýrorynyń keıbir normatıvtik quqyqtyq aktilerine ózgerister men tolyqtyrýlar engizý týraly» Qazaqstan Respýblıkasy Bas Prokýrorynyń 2010 jylǵy 17 naýryzdaǵy № 17 buıryǵy (Normatıvtik quqyqtyq aktilerdi memlekettik tirkeý tiziliminde №6181 sanymen tirkelgen);
3) «Egemen Qazaqstan» gazetiniń 2011 jylǵy 13 tamyzdaǵy № 368-372 sandy basylymynda jarııalanǵan «Qazaqstan Respýblıkasy Bas Prokýrorynyń keıbir normatıvtik quqyqtyq aktilerine ózgerister men tolyqtyrýlar engizý týraly» Qazaqstan Respýblıkasy Bas Prokýrorynyń 2011 jylǵy 31 mamyrdaǵy № 51 buıryǵy
(Normatıvtik quqyqtyq aktilerdi memlekettik tirkeý tiziliminde №7056 sanymen tirkelgen).
3. Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti (odan ári - Komıtet) osy buıryqty:
1) Qazaqstan Respýblıkasynyń Ádilet mınıstrligine memlekettik tirkeý úshin;
2) quqyqtyq statıstıka jáne arnaıy esepke alý sýbektilerine málimet jáne qyzmette paıdalaný úshin, Komıtettiń aýmaqtyq organdaryna oryndaý úshin joldasyn.
4. Osy buıryqtyń oryndalýyn baqylaý Komıtet Tóraǵasyna júktelsin.
5. Osy buıryq resmı jarıalanǵan kúnnen bastap qoldanysqa engiziledi.
Qazaqstan Respýblıkasynyń Bas Prokýrory A. Daýylbaev
