Bas prokýrordyń orynbasary ushaq apatynan keıingi tergeý jumystaryna túsinik berdi

ASTANA. KAZINFORM — QR Bas prokýrorynyń orynbasary Ǵalymjan Qoıgeldıev Ázerbaıjan ushaǵynyń apatynan keıingi saraptama jumystaryna túsinik berdi.

- Bul apatqa qatysty elimizdiń Kólik mınıstrligi tıisti málimde jasady. Sonymen qatar, Premer-mınıstrdiń orynbasary Qanat Bozymbaev egjeı-tegjeıli málimet berdi. Atap aıtqanda, tergeý amaldary jalǵasyp jatyr, tergeý toby quryldy. Onda eń tájirıbeli qyzmetkerler qamtylǵan. Birqatar saraptama belgilendi. Jalpy, bul jumystar ońaı emes, sondyqtan qorytyndysyn kútip otyrmyz, - dedi Ǵ. Qoıgeldıev Parlament Májilisinde tilshiler suraǵyna jaýap bere otyryp. 

Aıta keteıik, 25 jeltoqsanda Aqtaý mańynda Bakýden Groznyıǵa baǵyt alǵan AZAL jolaýshylar ushaǵy apatqa ushyraǵan bolatyn.

Bortta 67 adam, onyń ishinde bes ekıpaj múshesi bolǵan. Apat saldarynan 38 jolaýshy qaza taýyp, 29 adam aman qaldy.

Qazaqstan Respýblıkasy Kólik vıtse-mınıstri Talǵat Lastaev QazAqparat tilshisine áýe apatyn tergeýdiń aldyn ala qorytyndysy qashan belgili bolatynyn aıtty.

Jaqynda QR Kólik mınıstrligi Aqtaý mańyndaǵy ushaq apatyna qatysty málimdeme jasady.