Bas prokýrordyń orynbasary Nyǵmatýlınderdiń ústinen qozǵalǵan iske qatysty túsinikteme berdi

ASTANA. KAZINFORM – Bas prokýrordyń orynbasary Ǵalymjan Qoıgeldıev Nyǵmatýlınderdiń ústinen qozǵalǵan iske qatysty túsinikteme berdi.

- Nurjan Nurlanuly men Erlan Zaırollaulyna qatysty shaǵym tústi. Qazir biz ony qarastyryp jatyrmyz. Qandaı da bir jaıtty aıtýǵa áli erte, - dedi ol Senatta BAQ ókilderiniń saýalyna oraı.

Onyń atap ótýinshe, prokýratýra organdary Arǵyn Nyǵmatýlınniń ústinen Qaraǵandy oblysynda hokkeı klýbyna bólingen bıýdjet qarajatyn jymqyrý faktisi boıynsha is qozǵaǵan.

- Oǵan halyqaralyq izdeý jarııalanǵan. Turǵylyqty jerin anyqtaǵannan keıin ekstradatsııalaý máselesi qabyldanady, - dedi Bas prokýrordyń orynbasary.

Buǵan deıin Nurlan Nyǵmatýlınniń týǵan aǵasy Arǵyn Zaırollaulyna izdeý jarııalanǵanyn habarlaǵan edik. 

Kúdiktiniń kinási anyqtalsa, jeti jyldan on eki jylǵa deıin bas bostandyǵynan aıyrylýy múmkin.

Al Nurjan Nurlanovtyń ústinen QR Qylmystyq kodeksiniń 389-baby boıynsha tergeý júrip jatyr.