Bas prokýror jasóspirimder arasyndaǵy qylmysty aldyn alýdyń tıimdi jolyn atady

ASTANA. KAZINFORM – Bas prokýror Berik Asylov jasóspirimder arasyndaǵy qylmysty aldyn alýdyń mańyzdylyǵy týraly jazdy. 

— Zańdy qurmetteıtin urpaqty qalaı tárbıeleýge bolady? Oǵan jaýap — profılaktıkada, bilim berýde jáne tálimgerlikte. Ókinishke qaraı, keıbir jasóspirimder tóbeles pen odan da aýyr qylmystarǵa baryp júr. Kópshiligi zańdy buzyp jatqanyn, bul úshin jaýapkershilikke tartylatynyn bilmegen.

Naǵyz qaýip — quqyqtyq saýatsyzdyq. Sondyqtan biz ýákiletti organǵa 7-synyptan bastap mektepterde «Zań jáne Tártip» atty mindetti pán engizý týraly mańyzdy usynys jasadyq. Bul pándi qyzmettegi zańgerler men quqyq qorǵaý organdarynyń ardagerleri júrgizedi. Óıtkeni olar tek bilimdi ǵana emes, ómirlik tájirıbesin de bólise alady, - dep jazdy ol «H» áleýmettik jelisindegi paraqshasynda. 

Óz kezeginde Berik Asylov jasóspirimder zańdy bilse tártipsizdikke barmaıtynyn atap ótken. 

— Jasóspirim zańnyń mánin túsingende tártipsizdikke barmaýǵa tyrysady. Olar alǵan bilimin tek synyptastarymen ǵana emes, otbasymen, kórshilerimen de bólisse deımiz. Mundaı sabaqtardyń sanaly, jaýapty, zań men tártipke qurmetpen qaraıtyn jas urpaqty tárbıeleýge kómektesetinine senimdimiz.

Ulttyq quryltaıdyń IV otyrysynda Memleket basshysy Qasym-Jomart Kemeluly Toqaev «Adal azamat tujyrymdamasynyń ıdealdaryna saı patrıottyq rýhta tárbıelengen, bilimdi, jasampaz urpaqty tárbıeleýdiń mańyzdylyǵyn erekshe atap ótken bolatyn. Demek, otbasyndaǵy tárbıe men zańdy bilý, qurmetteý arqyly ǵana biz ádiletti qoǵam qura alamyz, - delingen jazbada. 

Zańdy qoryqpaı, qurmetteıtin urpaqty qalaı tárbıeleýge bolady?

Oǵan jaýap – profılaktıkada, bilim berýde jáne dana tálimgerlikte.

Búgin, ókinishke qaraı, keıbir jasóspirimder tóbeles pen odan da aýyr qylmystarǵa baryp júr. Kópshiligi zańdy buzyp jatqanyn bilmegen. Olar bul úshin…

— Berik Asylov (@Asylov_GenPr) April 9, 2025

Buǵan deıin bas prokýror