Bas prokýror jańadan taıyndalǵan Mýsınge tapsyrmalar júktedi
«Іsterdi qaǵazben júrgizý ótken ǵasyrǵa tıesili. Qaǵazben júrgiziletin sharalardy qadaǵalaý múmkin emes. Sondyqtan da isterdiń barlyǵyn sandyq formatqa kóshirý maqsatyn qoıyp otyrmyz. Bizde bastamalar bar, tıisti júıe quryldy. Búginde engizip jatqandardyń barlyǵy teńizge túsken tamshy ispettes. Ázirge urylar men adam óltirgendi qýdalap júrgende, AQSh-taǵy tehnologııalar jasalatyn qylmystyń ýaqyty men ornyn boljaı alady»,-dep toqtaldy Asanov.
Osy oraıda Bas prokýror qaramaǵyndaǵy komıtettiń jańa basshysynan úlken jumystar kútetinin atap ótti.
«Baǵdat Batyrbekuly, bul sizdiń basty maqsatyńyz. Osyny júzege asyrsańyz, ómir boıy keýdeńizdi maqtanysh kerneıdi. Sondyqtan da sizge úmit artyp otyrmyn. Siz «Qazposhtada» aıtarlyqtaı eleýli ister atqardyńyz, alaıda osyndaǵy jumystardyń aýqymy keńirek. Atqarylatyn sharalardyń barlyǵy ashyq bola tússe, qyzmetin teris paıdalaný jaǵdaılaryna jáne basqa da quqyq buzýshylyqtarǵa jol berilmeıdi», - dep naqtylady Bas prokýror.
Aıta keteıik, 25 qańtarda Memleket basshysynyń Ókimimen Baǵdat Batyrbekuly Mýsın Qazaqstan Respýblıkasy Bas prokýratýrasynyń Quqyqtyq statıstıka jáne arnaýly esepke alý komıtetiniń tóraǵasy qyzmetine taǵaıyndalǵan bolatyn.
Baǵdat Mýsın 1983 jyly 3 naýryzda Pavlodar oblysynda dúnıege keldi. Súleımen Demırel atyndaǵy ýnıversıtetti jáne Qazaq quqyqtaný jáne halyqaralyq qatynastar ınstıtýtyn bitirgen.
