Bas prokýror Uly Otan soǵysynyń ardagerlerin quttyqtady
Onda Bas prokýror Ashat Daýylbaev Uly Otan soǵysynyń ardagerlerin Jeńistiń 66 jyldyǵymen quttyqtady. «Bul shyn máninde halyqtyq mereke. Biz 500-den astam qazaqstandyqtyń Keńes Odaǵynyń Batyry atanǵanyn maqtanyshpen aıtamyz. Olardyń ekeýi eki márte Keńes Odaǵynyń Batyry boldy. Myńdaǵan adam soǵysta kórsetken erlikteri úshin ordender men medaldardyń ıegerleri atandy. Uly Otan soǵysynda bizdiń elimizdiń myqty tyl bolǵandyǵyn da umytpaýymyz kerek. Qazaqstan maıdandy myqty jaýyngerlermen, qarý-jaraqpen jáne azyq-túlikpen qamtamasyz etip otyrdy. Soǵys ardagerleriniń ishinde maıdanǵa prokýratýra organynan attanǵandar da az bolǵan joq. Olardyń kóbi soǵys bitken soń da qylmyspen kúresip, zańnyń ústemdigin qamtamasyz etýge eren úles qosty. Soǵys jyldarynda jeńiske jetýimizge zor úles qosqan tyl eńbekkerleri de az emes. Sondyqtan sizderdi shyn júrekten Jeńis kúnimen quttyqtaımyn. Sizderdiń erlikterińiz ben eńbekterińiz keıingi urpaqqa qashanda úlgi-ónege bolyp qala bermek»,-dedi A.Daýylbaev.
Jıyn barysynda Bas prokýror Uly Otan soǵysy ardagerleri men tyl eńbekkerlerine vedomstvolyq nagradalar men qundy syılyqtar tabys etti. Ardagerler de óz kezeginde prokýratýra salasynyń jas mamandaryna el basyna kún týǵan sátterde halqyn qorǵaǵan azamattardy árdaıym este ustap, óz qyzmetterin jetildire berýdi tiledi.
Búgingi merekege arnaıy belgilengen baǵdarlamada «Otan ana» monýmentine gúl shoqtaryn qoıý, Beıbitshilik pen kelisim saraıynda merekelik kontsertti tamashalaý jáne elordanyń kórikti jerlerin aralaý sharalary qarastyrylǵan.
