Bas prokýror Úkimetke bekire tuqymdas balyqtardy aýlaýǵa tyıym salý boıynsha úkimetaralyq kelissózderdiń belsendiligin arttyrýdy usyndy
Bul jaıynda ol búgin Jaıyq-Kaspıı basseınindegi balyqtyń baǵaly tuqymdaryn qorǵaý jáne ósirý máseleleri boıynsha Bas prokýratýranyń alqa májilisinde málimdedi.
Jınalysta Bas Prokýror quqyq qorǵaý jáne ýákiletti organdardyń aldyna brakonerlik kásipke jáne bekire tuqymdas balyqtardyń zańsyz aınalymyna tosqaýyl qoıý jónindegi kezek kúttirmes uıymdastyrýshylyq-quqyqtyq sharalardy qabyldaý, vedomstvolyq baqylaýdy jáne prokýrorlyq qadaǵalaýdy kúsheıtý mindetin qoıdy. «Usynylyp otyrǵan is-qımyl baǵdarlamasy balyq aýlaýǵa salynǵan tyıymdy múltiksiz oryndaý, laýazymdy tulǵalardyń tarapynan sybaılas jemqorlyq kórinisterin joıý, bekire jáne qara ýyldyryqtyń kóleńkeli aınalymyn azaıtýǵa múmkindik beretin olardyń aınalymyna memlekettik baqylaýdyń neǵurlym tıimdi ádisterin qabyldaý, balyq qorǵaý qyzmetterin kadrlyq jetildirý jáne tehnıkalyq qamtamasyz etýdi qarastyrady», - dep atap ótti Bas prokýror.
Sonymen qatar, balyq salasynda zańsyz qyzmetpen aınalysýshy uıymdasqan qylmystyq toptardy, olardy qarjylandyrý kózderin jáne qylmystyq jolmen tabylǵan aqsha qarajattaryn zańdastyrý kózderin anyqtaý jáne joıýǵa baǵyttalǵan birlesken is-sharalar josparyn daıyndaý jáne júzege asyrý mańyzdy mindet retinde belgilendi.
Birlesken jedel-izdestirý is-sharalaryn júrgizý barysynda áýejaılarǵa, temir jol jáne avto vokzaldarǵa, tas joldarǵa jáne balyq ónimderi satylatyn núktelerge erekshe nazar aýdarý usynyldy.
Sondaı-aq, óńirlik prokýrorlarǵa zańsyz balyq kásibimen aınalysyp júrgen qylmystyq toptarǵa qarsy is-qımyl jasaý jáne olardy taratý máselelerinde quqyq qorǵaý organdarynyń qyzmetin úılestirý jumystaryn kúsheıtýdi, osy saladaǵy anyqtalǵan árbir zańdylyqtyń buzylýyna prıntsıptik baǵa berý, barlyq kináli tulǵalardy jaýapkershilikke tartýǵa qol jetkizý jumystary tapsyryldy.
