Bas prokýror sottar sheshimderi kóp jaǵdaıda qaǵaz júzinde qalyp qoıatynyna narazy
ASTANA. 1 naýryz. QazAqparat - Búgin Astanada ótip jatqan atqarýshylyq óndiris júıesin jańartý jónindegi QR Bas prokýratýrasy men Ádilet mınıstrliginiń vedomstvoaralyq jınalysynda Bas prokýror Asqat Daýylbaev sot sheshimderi kóp jaǵdaıda qaǵaz júzinde qalyp jatqandyǵyna narazylyǵyn bildirdi.
Onyń aıtýynsha, búginde sot aktileriniń jartysyna jýyǵy ǵana oryndalady jáne qarjylyq somanyń azdaǵan bóligi ǵana ótelýde. Máselen, 2012 jyly ótelýge negizdelgen 2 trln. teńgege jýyq qarjynyń tek 82 mlrd. teńgesi ǵana nemese 5 paıyzy óteldi.
«Atqarýshylyq óndiris jumysy tıimdiliginiń tómen deńgeıi máselesi túrli tuǵyrlardan kóterilip keledi. Bul problema ekonomıkalyq jáne áleýmettik saldarǵa ıe bolyp otyr»,-dedi Bas prokýror.
Onyń paıymdaýynsha, jyl saıyn azamattar kóptep ádildikti sottan izdeýde. Alaıda, sot shyǵarǵan sheshimderdiń basym bóligi qaǵaz júzinde qalýda. Osy oraıda, adamdar sot oryndaýshysynyń áreketsizdigine baılanysty olardy sotqa berýge májbúr bolyp otyr.
A. Daýlybaevtyń pikirinshe, qalyptasqan jaǵdaı atalǵan baǵytta birlesken is-qımyldardyń jańa formalary men ádisterin ázirleýdi qajettilik etýde. Sot aktilerin májbúrlep oryndaý boıynsha qabyldanyp jatqan sharalar aıtarlyqtaı tıimdi emes kórinedi.
