Bas Prokýror ShYU Bas hatshysyn saılaý naýqanynyń zańdylyǵyn qamtamasyz etý jaıymen habardar etti

ASTANA. QazAqparat - Bas Prokýror Ashat Daýylbaev Qazaqstan Respýblıkasy Prezıdentiniń kezekten tys saılaýy boıynsha Shanhaı yntymaqtastyq uıymynyń Baıqaýshylar mıssııasynyń basshysy, ShYU-nyń Bas hatshysy Dmıtrıı Mezentsevpen kezdesti.

Bul týraly Bas prokýratýranyń baspasóz qyzmetinen habarlady.

Kezdesý barysynda A.Daýylbaev suhbattasýshysyn prokýratýra organdarynyń konstıtýtsııalyq quzyretteri jóninde jáne saılaý naýqanynyń zańdylyǵyn qamtamasyz etý, sonyń ishinde saılaý zańnamasynyń buzýshylyqtary týraly ótinishterdi qaraý boıynsha júrgizilip otyrǵan jumystar týraly aqparattandyrdy. Bul rette, saılaý kezeńi tynysh jaǵdaıda jáne quqyqtyq alań sheńberinde ótip jatqanyn atap ótti.

Sondaı-aq Bas Prokýror quqyq qorǵaý júıesin jańǵyrtý barysy týraly, jańartylǵan qylmystyq zańnamanyń áreket etý jaǵdaıyndaǵy quqyq qorǵaý organdarynyń jumysy týraly, adam quqyqtaryn qorǵaýdyń kepildikterin kúsheıtý jónindegi sharalar jóninde aıtty.

A.Daýylbaev D.Mezentsevti aǵymdaǵy jyly Astana qalasynda ótetin ShYU-ǵa múshe memleketter bas prokýrorlarynyń kezekti otyrysynyń jumysyna qatysýǵa shaqyrdy, onda qazirgi zamanǵy qaýip-qaterlerge birlesip qarsy turý, aımaqtaǵy ıntegratsııany kúsheıtý jáne turaqtylyqty nyǵaıtý máseleleri talqylanatyn bolady.

Pikir almasýdan keıin ShYU-nyń Bas hatshysy syndarly suhbat jáne maǵynaly kezdesý úshin rızashylyǵyn bildirdi.