Bas prokýror Otan qorǵaýshy jáne Jeńis kúni merekelerine oraı qyzmetkerler men ardagerlerdi marapattady
Bul týraly vedomstvonyń baspasóz qyzmetinen málim etti.
Merekeniń basty, qurmetti qonaqtary Uly Otan soǵysy maıdandarynda shaıqasqan prokýratýra organdarynyń ardagerleri boldy.
Bas prokýror Ashat Daýylbaev ardagerlerdi Jeńistiń 67-jyldyǵymen quttyqtap, olarǵa eren erlikteri úshin sheksiz alǵysyn bildirdi.
Barlyq urpaq úshin 9 Mamyr - bizdiń halyqtyń shydamdylyǵy men qaıratyn, Otanǵa degen sheksiz súıispenshiligin kórsetetin erekshe jáne jarqyn mereke. Ákeler men atalardyń erlikteri urpaqtyń esinde máńgi qalady jáne olardyń uldary, nemereleri men shóbereleriniń beıbit, ashyq aspanda ómir súrýi, de olardyń bastaryna túsken barlyq aýyrtpalyqtar men syndardy erlikpen kóterip, barlyq múmkin bolǵan jaǵdaıdy jasap, Jeńisti jaqyndatqandary úshin halyq máńgilik rızashylyǵyn bildiredi.
Elimiz halqy Jeńis úshin ózgelermen birge erlikpen jáne janqııarlyqpen kúresti. Árbir ekinshi soldat soǵys alańynan oralmady. Bes júz qazaqstandyq Keńes Odaǵynyń batyry, tórteýi Batyr ataǵyna eki márte ıe bolyp, júzdegen myńy eren erlikteri úshin ordender jáne medaldarmen marapattaldy.
A.Daýylbaev soǵys ardagerlerine vomstvolyq nagradalar men baǵaly syılyqtardy tapsyrdy. Aqsaqaldar jas urpaqqa Otannyń táýelsizdigi úshin ózderiniń ómirlerin aıamaǵandarǵa laıyqty bolýdy, prokýrorlyq kásiptiń úzdik dástúrlerin saqtaý jáne kóbeıtý jaıynda tilekterin aıtty.
Otan qorǵaýshylardyń kúnine jáne egemendi Qazaqstannyń Qarýly kúshterine 20 jyl tolý merekesine oraı minsiz qyzmeti, zańdylyqty nyǵaıtý jáne jas urpaqty tárbıeleýge qosqan úlesi úshin Bas prokýror prokýratýra organdarynyń birqatar qyzmetkerin, sonymen qatar Aýǵanstanda ózderiniń ınternatsıonaldyq boryshyn ótegenderdi «Qazaqstan Respýlıkasynyń Qarýly Kúshterine 20 jyl» merekelik medaldarmen, vedomstvolyq nagradalarmen marapattap, kezekten tys synyptyq shenderdi tapsyrdy.
