Bas Prokýror men Іshki ister mınıstri Atyraý jáne Mańǵystaý oblystarynda boldy
Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.
Vedomstvo basshylary óńirlerdiń quqyq qorǵaý jáne arnaıy organdarynyń basshylarymen kezdesýler ótkizip, onda qylmystyq ister boıynsha negizgi sheshimderdi prokýrorlarmen kelisýdiń jańa tártibiniń barysyn talqylady. Bul Qazaqstannyń qylmystyq protsesiniń Elbasynyń (2017 jylǵy quqyq qorǵaý organdarymen jınalys) jáne Memleket basshysynyń qylmystyq salany jańǵyrtý jónindegi tapsyrmalary sheńberinde oryndalyp jatqan jańa úsh býyndy modelge kóshýiniń birinshi kezeńi.
Qalalyq jáne aýdandyq bólimshelerdiń tergeýshileri men prokýrorlarymen kezdesip, olardyń jańa protsessýaldyq jaǵdaılardaǵy jumysymen tanysty.
Qyzmetkerler olardyń ózara is-qımyly men tájirıbesi týraly aıtty, sondaı-aq kúndelikti jumys barysynda týyndaıtyn problemalyq suraqtardy jáne olardy sheshý joldaryn talqylady.
Bas Prokýror materıaldyq-tehnıkalyq bazany nyǵaıtýǵa, tergeýshiler men prokýrorlardyń kásibı deńgeıin arttyrý qajettiligine áriptesteriniń nazaryn aýdardy.
Sondaı-aq qylmystyq orbıtaǵa túsken azamattardyń konstıtýtsııalyq quqyqtaryn qorǵalý deńgeıiniń oń dınamıkasyn atap ótti.
Aǵymdaǵy jyly sottyń jeke qaýlylary 8 esege, sot qaıtarǵan ister sany 44% - ǵa qysqardy.
Zańsyz sheshimderdiń sany azaıdy, sáıkesinshe protseske qatysýshylardyń shaǵymdarynyń alǵysharttary tómendeıdi.
Jınalys qorytyndysy boıynsha birqatar naqty tapsyrmalar berildi.
