Almatydaǵy Hilton qonaqúıi 2,9 mln teńge ǵana salyq tólegen – depýtat

ASTANA. KAZINFORM – Májilis depýtaty Murat Ábenov kommertsııalyq jyljymaıtyn múlikke kadastrlyq quny boıynsha salyq belgileýdi usyndy.

- Qazirgi usynylyp otyrǵan nusqa boıynsha sán-saltanat salyǵy tek jeke tulǵalarǵa salynbaqshy.

Al bizde kommertsııalyq jyljymaıtyn múlikke salyqty arttyrý arqyly bıýdjetti toltyrýdyń múmkindigi bar. 

Bir mysal keltireıin. Almatydaǵy 11 qabatty Hilton qonaq úıi qazir memleket menshiginde. 2019 jyly salynǵan. Sol kezde memleket 6 mlrd teńge jeńildetilgen nesıe bóldi. Sol qonaq úıi býhgalterlik esep boıynsha 20222 jyly bar-joǵy 2,9 mln teńge tólegen. Sonda olardyń esebi boıynsha ǵımarattyń quny 200 mln teńge turady degen sóz. Meniń usynysym, osy salyq normasyn ózgertip, kadastrlyq quny boıynsha salyq belgileý kerek, - dedi depýtat Májilistiń jalpy otyrysynda.

Premer-mınıstrdiń orynbasary – Ulttyq ekonomıka mınıstri Serik Jumanǵarın suraqqa qysqa ǵana jaýap qaıyrdy.

- Suraq túsinikti. Biz kez kelgen konstrýktıvti usynystardy talqylaýǵa ázirmiz, - dedi vıtse-premer. 

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.