Bas prokýror kúsh qurylymdarynyń jekelegen basshylarynyń qańtar oqıǵasy kezindegi áreketi týraly aıtty
Májilistiń jalpy otyrysynda «Jańa Qazaqstan» depýtattyq tobynyń saýalyna aýyzsha jaýap bergen QR Bas prokýrory Berik Asylov qańtar oqıǵasy kezinde kúsh qurylymdarynyń jekelegen basshylarynyń is-áreketterin quqyqtyq baǵalaý boıynsha málimet berdi.
«5 qańtarda Almaty qalasyndaǵy, Almaty, Jambyl jáne Qyzylorda oblystaryndaǵy 2 polıtsııa departamenti men UQK-niń 3 departamenti óz ǵımarattaryn, qarýmen qosa tastap ketken. Osy faktiler boıynsha 7 qylmystyq is qozǵaldy. Olar boıynsha tergeý áreketteriniń negizgi bóligi aıaqtaldy.
Almaty qalasy Ulttyq qaýipsizdik komıteti departamentiniń bastyǵy Majılov qamaýǵa alyndy. Basqa tulǵalarǵa qatysty qazir dálelderdi jınaý jáne taldaý júrgizilýde», -dedi Berik Asylov.
Sondaı-aq, Bas prokýror Qorǵanys mınıstrliginiń burynǵy basshylyǵynyń ókilettikterin asyra paıdalaný faktisi boıynsha taǵy bir qylmystyq is tergelip jatqanyn atap ótti.
«Burynǵy Qorǵanys mınıstri qamaýǵa alyndy. Tergeý jalǵasýda», - dedi ol.
