Bas prokýror qol astyndaǵy qyzmetkerlerine kitap oqýǵa keńes berdi
«Barlyǵyna ózgerý qajet. Árbir prokýror, ásirese mansapta óskisi keletin prokýrorlar óz tıimdilikterin arttyrýlary shart. Zamanaýı menedjmenttik texnologııalardy bilýi tıis. Kitap oqyńdar. Uıqy aldynda jáne tańerteń kitap oqyńyzdar. Men «Joǵary tıimdi adamnyń 7 mashyǵy», «Oratorǵa 101 keńes» atty kitaptardy oqýǵa keńes beremin», - dep atap ótti ol Bas prokýratýranyń jartyjyldyqtyń qorytyndysyn shyǵarýǵa arnalǵan alqa májilisinde.
Bas prokýror Quqyqqorǵaý organdary akademııasyna oqýǵa arnalǵan tanymdyq ádebıetterdiń tizimin jasaqtaýdy tapsyrdy jáne ony resmı saıtqa jarııalaýdy júktedi.
«Sizder budan keıin ózgeresizder. Kóptegen iske basqasha qaraıtyn bolasyzdar. Osylaı ǵana biz óz quzyrettiligimizdi jyldam arttyra alamyz. Bir tilde sóılesýimizge yqpal etedi. Oblys prokýrorlary, meniń tilimdi túsinbeseńizder, ary qaraı til tabysýymyz qıyn bolady», - dedi ol.
