Bas Prokýror Qaırat Mámı prokýratýranyń áıel qyzmetkerlerin tól merekelerimen quttyqtady
bsp; Naýryzdyń 5-i. QazAqparat - Búgin Qazaqstan Respýblıkasynyń Bas prokýratýrasynda Halyqaralyq áıelder kúnine oraı ortalyq apparat qyzmetkerleriniń saltanatty jınalysy bolyp ótip,
onda Bas Prokýror Qaırat Mámı prokýratýranyń áıel qyzmetkerlerin osy merekelerimen quttyqtady, dep habarlady vedomstvonyń baspasóz qyzmetinen.
Elimizde áıelderdiń áleýmettik qorǵalýyna jáne olardyń ómir súrý deńgeıin kóterýge erekshe kóńil bólinedi.
Memleket Basshysy óziniń Qazaqstan halqyna Joldaýynda ana men balanyń densaýlyǵyn onan ári kúsheıtý, sondaı-aq áıelder men balalarǵa jaqsy jaǵdaı jasaý boıynsha qabyldanyp otyrǵan sharalardyń mańyzdylyǵyn atap kórsetti.
Júrgizilip otyrǵan genderlik saıasat sheńberinde áıelder men erlerdiń quqyqtary men múmkindikteriniń teńdigin qamtamasyz etetin zańdar qabyldandy.
Ujym aldynda sóz sóılegen Q. Mámı áıelderdiń búgingi qoǵamda ár otbasynyń jan jylýy ǵana emes, sonymen qatar qoǵamdyq ómirdiń qozǵaýshy kúshi, saıası úderisterdiń belsendi júrgizýshileri ekenin atap ótti.
Prokýratýra organdarynda myńnan astam názik jandylar qyzmet etedi jáne olardyń kópshiligi joǵary laýazymdarda jaýapkershiligi mol jumystar atqarýda.
Mereke qurmetine oraı ortalyq apparattyń jáne óńirlik prokýratýra organdarynyń qyzmetkerleri «Prokýratýranyń qurmetti qyzmetkeri» ataǵymen, Bas Prokýrordyń alǵys hattarymen, «Prokýratýra ozaty», «Eleýli eńbegi úshin» tósbelgilerimen jáne alǵyspen marapattaldy.
