Bas prokýror Qaraǵandy oblysyna bardy

QARAǴANDY. QazAqparat - Búgin Bas prokýror Ǵızat Nurdáýletov jumys saparymen Qaraǵandy boldy, dep haabarlaıdy QazAqparat Bas prokýratýranyń baspasóz qyzmetine silteme jasap.

Jumys sapary barysynda ol Temirtaý qalalyq prokýratýrasy men polıtsııa basqarmasynda bolyp, onda «Jańa jaǵdaıdaǵy Qazaqstan: is-qımyl kezeńi» atty Prezıdenttiń Joldaýynda berilgen tapsyrmalaryn iske asyrý maqsatynda negizgi protsessýaldyq sheshimderdi kelisý boıynsha engizilgen pılottyq jobanyń júzege asyrý jaǵdaıymen tanysty.

Qadaǵalaý organynyń basshysy tergeýshilermen jáne qadaǵalaýshy prokýrorlarmen kezdesti. Olar protsessýaldyq sheshimderdi mindetti túrde kelisý tártibin engizgennen keıin tergeý organdarynyń jumysynyń jeńildeýin, sotqa deıingi tergep-tekserý sapasynyń artýyn jáne prokýrorlyq qadaǵalaýdyń uıymdastyrý máseleleriniń jaqsarýyn atap ótti.

Sondaı-aq, oblys ákiminiń, Іshki ister mınıstri orynbasarynyń, polıtsııa, sybaılas jemqorlyqqa qarsy is-qımyl agenttigi men ekonomıkalyq tergeý qyzmeti departamentteriniń basshylarynyń qatysýymen aımaqtaǵy zańdylyq, quqyq qorǵaý organdarynyń ózara árekettestigi jáne qylmystyq protsestegi kásipkerlikti qorǵaý máseleleri talqylandy. Sapar nátıjesinde Bas prokýror jobany júzege asyrý boıynsha birqatar tapsyrmalar berdi.