Bas prokýror Q.Mámı TMD baıqaýshylary Mıssııa shtabynyń basshysy E.Slobodamen kezdesti

Kezdesý barysynda TMD Shtabynyń saılaý protsesine monıtorıng júrgizý jónindegi qyzmeti, sondaı-aq aldaǵy kezekten tys prezıdenttik saılaýdyń zańdylyǵyn qamtamasyz etý máseleleri talqylandy.

Bas prokýror, E.Slobodany prokýratýra organdarynyń saılaý kezeńinde júrgizip jatqan jumysy, onyń ishinde saılaý zańnamasynyń buzylýy týraly ótinishterdi qaraý men olardy boldyrmaý boıynsha qoldanyp otyrǵan sharalary týraly aqparattandyrdy. Atap aıtqanda, búgingi kúni saılaýǵa qatysty máseleler boıynsha ártúrli memlekettik organdarǵa 534 ótinish kelip tústi, olardyń tek 52-si saılaý zańnamasynyń buzylýyna qatysty boldy. Barlyq shaǵymdar boıynsha ýaqytyly tekserýler júrgizilip, zańdylyqty buzýdy boldyrmaýǵa baǵyttalǵan sharalar qoldanyldy.

Mıssııa shtabynyń basshysy E.Sloboda óz sózinde, saılaý barysyn baqylaý ashyq jáne ádiletti júrgizilip jatqanyn, al barlyq qorytyndylar tek anyqtalǵan faktilerge negizdeletinin atap ótti. Ol Bas prokýrordyń saılaý protsesi tynysh, ári órkenıetti ótip jatqandyǵy týraly aqparatyn rastady.

Kezdesý nátıjesi boıynsha Mıssııa shtaby men Bas prokýratýra, baıqaýshylardyń jergilikti aımaqtardaǵy jumystyq is-saparlary, sondaı-aq saılaý zańnamasynyń buzylý faktileri boıynsha aqparatpen turaqty, ýaqytyly jáne tolyq almasýdy qamtamasyz etý barysynda jumystyq árekettesý týraly kelisimge keldi.